കുവൈറ്റ് സിറ്റി : യുഎസിന്റെ എഫ്-15 യുദ്ധവിമാനം കുവൈറ്റിൽ തകർന്നുവീണു. പൈലറ്റ് സുരക്ഷിതനായി ഇജക്ട് ചെയ്തു. എഫ്-15 യുദ്ധവിമാനം വെടിവെച്ചിട്ടതാണെന്ന് ഇറാൻ അവകാശവാദം ഉന്നയിച്ചു. അപകടത്തിന്റെ കാരണത്തെക്കുറിച്ച് യുഎസോ കുവൈറ്റോ ഔദ്യോഗിക പ്രസ്താവനകൾ ഒന്നും ഇതുവരെ പുറത്തുവിട്ടിട്ടില്ല.
കുവൈറ്റിൽ തന്നെ ഒരു ഓയിൽ റിഫൈനറിയെ ലക്ഷ്യമിട്ടും ഇറാൻ ആക്രമണം നടത്തി. ഡ്രോൺ അവശിഷ്ടങ്ങൾ വീണ് റിഫൈനറിയിലെ ഏതാനും ജീവനക്കാർക്ക് പരിക്കേറ്റിട്ടുണ്ട്. അതേസമയം, തിങ്കളാഴ്ച രാവിലെ ദോഹയിലുടനീളം നിരവധി വലിയ സ്ഫോടനങ്ങൾ കേട്ടതായി റിപ്പോർട്ട് ചെയ്തു.
