കേരളത്തിൽ വോട്ടെടുപ്പ് പൂർത്തിയായതിന് പിന്നാലെ പ്രതിപക്ഷ നേതാവ് വി.ഡി സതീശനെ കടന്നാക്രമിച്ചും പരിഹസിച്ചും മന്ത്രി എ.കെ ശശീന്ദ്രൻ. വോട്ടെടുപ്പ് കഴിഞ്ഞ് പുറത്തുവന്ന കണക്കുകൾ ഇടതുപക്ഷത്തിന് അനുകൂലമാണെന്നും പിണറായി വിജയന്റെ നേതൃത്വത്തിലുള്ള സർക്കാർ മൂന്നാം തവണയും അധികാരത്തിൽ വരുമെന്നും അദ്ദേഹം ആത്മവിശ്വാസം പ്രകടിപ്പിച്ചു. ഭരണത്തുടർച്ചയുണ്ടായാൽ രാഷ്ട്രീയ വനവാസത്തിന് പോകുമെന്ന് പ്രഖ്യാപിച്ച വി.ഡി സതീശന് വനംവകുപ്പ് മന്ത്രി എന്ന നിലയിൽ എല്ലാ സൗകര്യങ്ങളും ഒരുക്കി നൽകുമെന്ന എ.കെ ശശീന്ദ്രന്റെ പരിഹാസം ഇതിനോടകം സോഷ്യൽ മീഡിയയിൽ വൈറലായിക്കഴിഞ്ഞു.
“ജനവിധി എൽഡിഎഫിന് അനുകൂലമാണ്. വികസനത്തിനും ക്ഷേമ പ്രവർത്തനങ്ങൾക്കും ജനങ്ങൾ വോട്ട് ചെയ്തിട്ടുണ്ട്. ചരിത്രം കുറിച്ചുകൊണ്ട് മൂന്നാം എൽഡിഎഫ് സർക്കാർ അധികാരമേൽക്കും. അന്ന് വനവാസത്തിന് പോകുമെന്ന് പറഞ്ഞ വി.ഡി സതീശന് എല്ലാ ആശംസകളും നേരുന്നു. അദ്ദേഹത്തിന് ആവശ്യമായ സൗകര്യങ്ങൾ വനംവകുപ്പ് തന്നെ ഒരുക്കും” – ശശീന്ദ്രൻ പരിഹസിച്ചു.
