പശ്ചിമ ബംഗാൾ മുഖ്യമന്ത്രി സുവേന്ദു അധികാരി ഇന്ന് സംസ്ഥാനത്തെ ജനങ്ങൾക്കായി വമ്പിച്ച ക്ഷേമപദ്ധതികൾ പ്രഖ്യാപിച്ചു. ഭരണം മാറിയതോടെ ബംഗാളിൽ ഇപ്പോൾ നടപ്പിലാകുന്നത് ‘ഭരണാധികാരിയുടെ നിയമമല്ല, മറിച്ച് നിയമവാഴ്ചയാണെന്ന്’ അദ്ദേഹം വ്യക്തമാക്കി. സംസ്ഥാനത്തുടനീളം പുതിയ വികസന പ്രവർത്തനങ്ങളും ജനക്ഷേമ പദ്ധതികളും നടപ്പിലാക്കുമെന്നും അദ്ദേഹം പറഞ്ഞു.
സംസ്ഥാനത്തെ ജനക്ഷേമം മുൻനിർത്തി ഒട്ടനവധി പദ്ധതികളാണ് മുഖ്യമന്ത്രി സുവേന്ദു അധികാരി പ്രഖ്യാപിച്ചിരിക്കുന്നത്. ഇതിൽ ഏറ്റവും ശ്രദ്ധേയമായത് 5 രൂപയ്ക്ക് മീൻ-ചോറ് ലഭ്യമാക്കുന്ന ക്യാന്റീനുകളാണ്. യോഗ്യരായ സ്ത്രീകൾക്ക് പ്രതിമാസം 3,000 രൂപ ധനസഹായം നൽകുന്ന പദ്ധതിയാണിത്. മെയ് 27 മുതൽ ഇതിനായുള്ള അപേക്ഷാ ഫോമുകൾ വിതരണം ചെയ്യും. സംസ്ഥാനത്തുടനീളം 400 ക്യാന്റീനുകൾ സ്ഥാപിച്ച് 5 രൂപയ്ക്ക് മീൻ-ചോറ് ലഭ്യമാക്കും. സ്കൂളുകൾ, കോളേജുകൾ, ആരാധനാലയങ്ങൾ എന്നിവയുടെ ഒരു കിലോമീറ്റർ ചുറ്റളവിൽ ഇനി മദ്യശാലകൾ അനുവദിക്കില്ല.
“ബംഗാളിൽ ഇപ്പോൾ നടപ്പിലാകുന്നത് ഭരണാധികാരിയുടെ ഇഷ്ടമല്ല, മറിച്ച് നിയമവാഴ്ചയാണ്,” എന്ന് മുഖ്യമന്ത്രി സുവേന്ദു അധികാരി വ്യക്തമാക്കി. പുതിയ എം.എൽ.എമാർക്കും മന്ത്രിമാർക്കും ഭരണത്തെക്കുറിച്ച് വ്യക്തമായ കാഴ്ചപ്പാട് ഉണ്ടാകണമെന്നും, സർക്കാരിന്റെ വികസന നയങ്ങൾ താഴെത്തട്ടുവരെ എത്തിക്കണമെന്നുമാണ് തന്റെ ലക്ഷ്യമെന്നും അദ്ദേഹം പറഞ്ഞു. വിവിധ ജില്ലകളിൽ വരുംദിവസങ്ങളിൽ അവലോകന യോഗങ്ങൾ ചേരുമെന്നും അദ്ദേഹം കൂട്ടിച്ചേർത്തു.
