കൂടുതൽ കരുത്തും ശേഷിയും , അണിയറയിൽ ഒരുങ്ങുന്നു തേജസ് മാർക്ക്-2 പോർവിമാനം

ഇന്ത്യ തദ്ദേശീയമായി നിർമിച്ച സൂപ്പർ സോണിക് പോർവിമാനമായ തേജസിന്റെ രണ്ടാം പതിപ്പ് തേജസ് മാർക്ക്-2 അടുത്ത വർഷത്തോടെ തയ്യാറാകും . കൂടുതൽ കരുത്തും ശേഷിയുമുള്ളതാണ് പുതിയ യുദ്ധ വിമാനം .

അഞ്ചാം തലമുറ യുദ്ധവിമാനമായ മാർക്ക് 2 മെയ്ക്ക് ഇൻ ഇന്ത്യ പദ്ധതി പ്രകാരമാണ് ഒരുക്കുന്നത് . മാർക്ക്-2ൽ ഉൾപ്പെടുത്തേണ്ട സാങ്കേതിക സംവിധാനങ്ങളും യുദ്ധസന്നാഹങ്ങളും സംബന്ധിച്ച് ബെംഗളൂരുവിലെ എയറോനോട്ടിക്കൽ ഡെവലപ്‌മെന്റ് ഏജൻസിയിലെ ശാസ്ത്രജ്ഞർ അന്തിമരൂപമുണ്ടാക്കി.

ഡിആർഡിഒ എച്ച്എഎല്ലും എയറോനോട്ടിക്കൽ ഡെവലപ്‌മെന്റ് ഏജൻസിയും മാർക്ക് 1 യുദ്ധവിമാനവുമായി ബന്ധപ്പെട്ട് നിലവിലുള്ള ആശങ്കകൾ പരിഹരിച്ചാകും പുതിയ പതിപ്പ് പുറത്തിറക്കുക . മാർക്ക് I യുടെ 25 പ്രകടന പോരായ്മകളിൽ 12 എണ്ണം ഇതിനകം പരിഹരിച്ചിട്ടുണ്ട് . ഏറ്റവും നിർണായകമായത് രാവും പകലും ഏത് സമയത്തും വിമാനമധ്യേ ഇന്ധനം നിറയ്ക്കാനുള്ള തേജസിന്റെ കഴിവാണ്.

പൈലറ്റുമാർക്ക് വിമാനം സുഖകരമായി പറത്താൻ അനുവദിക്കുന്നതിനായി കോക്ക്പിറ്റ് ഫ്ലോർ പുനർരൂപകൽപ്പന ചെയ്യുക എന്നതാണ് മാർക്ക് 1 എ ന്റെ മറ്റൊരു മാറ്റം . ഇപ്പോഴത്തെ തേജസ് മാർക്ക് ഒന്ന് വിമാനങ്ങൾക്ക് ആയുധസംവിധാനങ്ങളടക്കം വഹിച്ച് പറന്നുയരാൻ കഴിയുന്ന പരമാവധി ഭാരം 3,500 കിലോ ആണ്. മാർക്ക് രണ്ടിൽ ഇത് 6500 ആയി ഉയർത്തും

‘മെയ്ഡ് ഇൻ ഇന്ത്യ’ ഉൽപ്പന്നമായ ഉത്തം എഇഎസ്എ റഡാറാണ് തേജസ് എംകെ-2നെ നയിക്കുന്നത്. മുൻ തേജസ് മോഡലുകളിൽ നിലവിൽ സ്ഥാപിച്ചിട്ടുള്ള ഇസ്രായേൽ നിർമ്മിത റഡാറുകളെ അപേക്ഷിച്ച് ഈ തദ്ദേശീയ റഡാർ കൂടുതൽ നേട്ടം നൽകാൻ പര്യാപ്തമാണെന്ന് കരുതപ്പെടുന്നു.

ഉത്തം റഡാറിന് ഇലക്ട്രോണിക് വാർഫെയർ (ഇഡബ്ല്യു) ശ്രമങ്ങൾ കണ്ടെത്താനും നിർവീര്യമാക്കാനും കഴിയും . തേജസ് മാർക്ക് 2ൽ കൂടുതൽ ശക്തമായ ജനറൽ ഇലക്ട്രിക് എഫ്414 ഐഎൻഎസ്6 എഞ്ചിനാകും സ്ഥാപിക്കുക .ഓൺബോർഡ് ഓക്സിജൻ ജനറേറ്റിംഗ് സിസ്റ്റം ആണ് വിമാനത്തിന്റെ മറ്റൊരു സവിശേഷത. തേജസ് പറത്തുന്ന പൈലറ്റുമാർക്കായാണ് ഡിആർഡിഒ ഈ സ്വയം സുസ്ഥിര ഓക്സിജൻ ഉൽപ്പാദന സാങ്കേതികവിദ്യ ഉപയോഗിച്ചത് . ഉയർന്ന ഉയരത്തിൽ ഓക്‌സിജന്റെ അളവ് പെട്ടെന്ന് കുറയുന്നത് നികത്താൻ ഫൈറ്റർ ജെറ്റ് കോക്ക്പിറ്റുകളിൽ ഈ സാങ്കേതികവിദ്യ ഉപയോഗിക്കുന്നു