തലസ്ഥാന നഗരിയെ നിശ്ചലമാക്കാൻ ശ്രമിച്ച വിഘടനവാദ-അരാജകത്വ പ്രക്ഷോഭങ്ങൾക്കും വ്യാജ പ്രചാരണങ്ങൾക്കും ശക്തമായ പ്രഹരമേൽപ്പിച്ച് സുപ്രീം കോടതി. ന്യൂഡൽഹിയിൽ കോക്ക്റോച്ച് ജനതാ പാർട്ടി (CJP) എന്ന പ്രതിഷേധ കൂട്ടായ്മയുടെ നേതൃത്വത്തിൽ നടന്ന അക്രമസക്തമായ പാർലമെന്റ് മാർച്ചിനെതിരെ പോലീസ് സ്വീകരിച്ച നിയമപരമായ നടപടികളിൽ ഇടപെടാൻ പരമോന്നത കോടതി വിസമ്മതിച്ചു. പൊലീസ് അതിക്രമം ആരോപിച്ച് സ്വമേധയാ കേസ് എടുക്കണമെന്ന അഭിഭാഷകന്റെ അടിയന്തര ഹർജി ചീഫ് ജസ്റ്റിസ് അധ്യക്ഷനായ ബെഞ്ച് തള്ളുകയായിരുന്നു.
കഴിഞ്ഞദിവസം പാർലമെന്റിന്റെ മൺസൂൺ സമ്മേളന തടസ്സപ്പെടുത്തുക എന്ന ലക്ഷ്യത്തോടെയാണ് സുരക്ഷാ ബാരിക്കേഡുകൾ തകർത്ത് സമരക്കാർ പാർലമെന്റിലേക്ക് കടന്നുകയറാൻ ശ്രമിച്ചത്. ക്രമസമാധാനം പാലിക്കാൻ ഡൽഹി പോലീസ് സ്വീകരിച്ച നിയമാനുസൃത നടപടികളെ “പോലീസ് ക്രൂരത” എന്ന് ചിത്രീകരിക്കാനായിരുന്നു പ്രക്ഷോഭകാരികളുടെ നീക്കം. കോടതിയിൽ ചില വീഡിയോ ദൃശ്യങ്ങൾ കാണിച്ച് വിഷയം വൈകാരികമാക്കാൻ ഹർജിക്കാരൻ ശ്രമിച്ചെങ്കിലും “ഞങ്ങളുടെയും നിങ്ങളുടെയും വിലപ്പെട്ട സമയം കളയരുത്, ഇത്തരം വീഡിയോകൾ കാണാൻ ഞങ്ങൾക്ക് താൽപ്പര്യമില്ല” എന്ന് കോടതി കർശനമായി വ്യക്തമാക്കി.
ദേശീയ സുരക്ഷയ്ക്കും ക്രമസമാധാനത്തിനും ഭീഷണിയാകുന്ന ഇത്തരം അരാജകത്വ സമരങ്ങളെ നിയമപരമായി തടയുന്നതിൽ സുപ്രീം കോടതിയുടെ ഈ കടുത്ത നിലപാട് സുപ്രധാനമായ വഴികാട്ടിയാണ്. വിദ്യാർത്ഥികളുടെയും യുവാക്കളുടെയും പേരിൽ ഇല്ലാത്ത ആരോപണങ്ങൾ ഉന്നയിച്ച് ഭരണകൂടത്തെ പ്രതിക്കൂട്ടിൽ നിർത്താനും പാർലമെന്റ് നടപടികൾ സ്തംഭിപ്പിക്കാനും ശ്രമിക്കുന്ന അനാവശ്യ രാഷ്ട്രീയ നാടകങ്ങൾക്കാണ് പരമോന്നത കോടതിയുടെ ഈ മറുപടിയോടെ കനത്ത തിരിച്ചടിയേറ്റിരിക്കുന്നത്.
