റഷ്യൻ ഡ്രോൺ ആക്രമണങ്ങളിൽ പുതിയ സാങ്കേതിക മാറ്റങ്ങൾ വരുത്തിയത് യുക്രെയ്ൻ വ്യോമ പ്രതിരോധ സേനയ്ക്ക് കനത്ത വെല്ലുവിളിയാകുന്നു. പഴയ ഷെഹെദ് (ഡ്രോണുകൾ മണിക്കൂറിൽ ഏകദേശം 180 കിലോമീറ്റർ വേഗതയിൽ താഴ്ന്ന ഉയരത്തിൽ സഞ്ചരിച്ചിരുന്നതിനാൽ അവയെ കണ്ടെത്താനും പ്രതിരോധിക്കാനും പ്രതിരോധ സേനയ്ക്ക് വലിയ സമയം ലഭിച്ചിരുന്നു. എന്നാൽ പുതിയ ജെറ്റ് എഞ്ചിൻ പതിപ്പുകളായ ഗെറാൻ (), എസ്8000 ബാൻഡറോൾ തുടങ്ങിയ ഡ്രോണുകൾ മണിക്കൂറിൽ 500 മുതൽ 650 കിലോമീറ്റർ വരെ വേഗതയിലും നാലും അഞ്ചും കിലോമീറ്റർ ഉയരത്തിലുമാണ് സഞ്ചരിക്കുന്നത്.
വേഗതയും ഉയരവും കൂടിയതോടെ മൊബൈൽ ഫയർ ഗ്രൂപ്പുകളുടെ തടസ്സപ്പെടുത്തൽ നിരക്ക് മുൻപത്തെ 90 ശതമാനത്തിൽ നിന്ന് 60 ശതമാനമായി കുറഞ്ഞതായി റിപ്പോർട്ടുകൾ വ്യക്തമാക്കുന്നു. ജി.പി.എസ് ജാമിംഗുകളെ മറികടക്കാൻ ആർട്ടിഫിഷ്യൽ ഇന്റലിജൻസ് സംവിധാനങ്ങളും ആന്റി-ജാമിംഗ് സാങ്കേതികവിദ്യകളും ഈ പുതിയ ഡ്രോണുകളിൽ ഉൾപ്പെടുത്തിയിട്ടുണ്ട്. പരമ്പരാഗത ക്രൂയിസ് മിസൈലുകളുടെ വേഗതയും ശേഷിയുമുള്ള ഈ പുതിയ ആയുധങ്ങൾ മാസംതോറും ആയിരക്കണക്കിന് എണ്ണമാണ് റഷ്യ ഉത്പാദിപ്പിച്ച് വിന്യവിക്കുന്നത്.
കനത്ത സ്ഫോടകവസ്തുക്കൾ വഹിക്കുന്ന ഈ ജെറ്റ് ഡ്രോണുകൾ നഗരങ്ങളിലെ കെട്ടിടങ്ങളെയും അടിസ്ഥാന സൗകര്യങ്ങളെയും പൂർണ്ണമായി തകർക്കുന്ന രീതിയിലാണ് ആക്രമണങ്ങൾ നടപ്പിലാക്കുന്നത്. ഈ പുതിയ ഭീഷണിയെ പ്രതിരോധിക്കാൻ പരമ്പരാഗത മിസൈലുകൾക്ക് പുറമെ ഡ്രോൺ ഇന്റർസെപ്റ്ററുകൾ അടക്കമുള്ള പുതിയ മാർഗ്ഗങ്ങൾ തേടുകയാണ് യുക്രെയ്ൻ. എന്നാൽ ഈ പ്രതിരോധ പ്രവർത്തനങ്ങൾക്കെല്ലാം വൻ സാമ്പത്തിക ബാധ്യതയും വലിയ വെല്ലുവിളികളുമാണ് നേരിടേണ്ടി വരുന്നത്.
