തിരുവനന്തപുരം: സിഎംആർഎൽ-എക്സാലോജിക് കേസിൽ മുൻ മുഖ്യമന്ത്രിയും നിലവിലെപ്രതിപക്ഷ നേതാവുമായ പിണറായി വിജയനെതിരെ നീങ്ങാൻ സംസ്ഥാന സർക്കാരിന്ആർജ്ജവമുണ്ടോ എന്ന് ചോദ്യമുയർത്തി കോൺഗ്രസ് നേതാവ് കെ. സുധാകരൻ. കേസുമായിബന്ധപ്പെട്ട് ഇ.ഡി. സമൻസ് നൽകിയതിന് പിന്നാലെയാണ് സർക്കാരിനെതിരേ രൂക്ഷവിമർശനവുമായി സുധാകരൻ രംഗത്തെത്തിയത്. പിണറായി വിജയനെതിരെ സർക്കാർ ശക്തമായനടപടികളിലേക്ക് കടക്കണമെന്ന് ആവശ്യപ്പെട്ട അദ്ദേഹം, ‘ആണുങ്ങളുടെ സർക്കാരാണെങ്കിൽനടപടിയുണ്ടാകും, അതിവിടെ ഉണ്ടോ എന്ന് അറിയില്ല’ എന്നും തുറന്നടിച്ചു.
നടപടിയുമായി മുന്നോട്ടുപോകാൻ എത്രപേർ നട്ടെല്ല് കാണിക്കുമെന്ന് കാണാമെന്നും അദ്ദേഹംപരിഹസിച്ചു.സിഎംആർഎൽ-എക്സാലോജിക് കേസിൽ ഇ.ഡി സമൻസ് അയക്കേണ്ടിടത്തുതന്നെയാണ് അയച്ചിട്ടുള്ളതെന്ന് വ്യക്തമാക്കിയ സുധാകരൻ, ഇക്കാര്യം ഏറെക്കാലമായികോൺഗ്രസ് പൊതുസമൂഹത്തിന് മുന്നിൽ ഉന്നയിക്കുന്നതാണെന്നും ഓർമിപ്പിച്ചു. കേസിൽതീരുമാനമെടുക്കാൻ പ്രാപ്തിയുള്ള സർക്കാരും മുഖ്യമന്ത്രിയും മന്ത്രിമാരുമാണ് ഉള്ളതെങ്കിൽനടപടികൾ കുറച്ചുകൂടി കടുപ്പിക്കണമെന്നാണ് തന്റെ വ്യക്തിപരമായ അഭിപ്രായമെന്നും അദ്ദേഹംകൂട്ടിച്ചേർത്തു.
വിഷയത്തിൽ വിട്ടുവീഴ്ചയില്ലാത്ത പോരാട്ടം നടത്തുന്ന മാത്യു കുഴൽനാടൻ എം.എൽ.എയ്ക്ക്പൂർണ പിന്തുണ പ്രഖ്യാപിച്ച സുധാകരൻ, കോൺഗ്രസിനുള്ളിൽ അദ്ദേഹത്തെ ഒറ്റപ്പെടുത്താൻനീക്കം നടക്കുന്നെന്ന വാർത്തകൾ തള്ളി. രാഷ്ട്രീയം വ്യക്തമായി അറിയാവുന്ന ആളാണ് മാത്യുകുഴൽനാടനെന്നും അദ്ദേഹത്തെ തൊട്ടുകളിക്കാൻ ആരും നോക്കേണ്ടതില്ലെന്നും, സംരക്ഷിക്കാൻമുന്നിൽ തങ്ങളുണ്ടാകുമെന്നും സുധാകരൻ വ്യക്തമാക്കി.
സിഎംആർഎൽ-എക്സാലോജിക് കേസിൽ സർക്കാരും കോൺഗ്രസിലെ ചില നേതാക്കളുംസ്വീകരിച്ച മൃദുസമീപനത്തിനെതിരെ മാത്യു കുഴൽനാടൻ പാർട്ടിക്കുള്ളിൽ നിലപാട് കടുപ്പിച്ചിരുന്നു. ഇതിന് പിന്നാലെയാണ് കെ.സുധാകരൻ മാത്യു കുഴൽനാടന് പിന്തുണയുമായി എത്തിയത്.
