ഡല്ഹി:റിസര്വ് ബാങ്ക് ഗവര്ണര് രഘുറാം രാജനെതിരെ കടുത്ത ആരോപണവുമായി മുതിര്ന്ന ബിജെപി നേതാവ് സുബ്രഹ്മണ്യന് സ്വാമി എം.പി വീണ്ടും രംഗത്ത എത്തി. ഇന്ത്യന് സമ്പദ് വ്യവസ്ഥയെ തകര്ക്കാന് ഒരു ടൈം ബോംബ് തയ്യാറാക്കി വച്ചിരിക്കുകയാണ് രഘുറാം രാജനെന്ന് സ്വാമി പറഞ്ഞു. ഡിസംബറില് ഇത് പൊട്ടിത്തെറിക്കുമെന്നും സ്വാമി ട്വിറ്റ് ചെയ്തു.
”2013ലാണ് രഘുറാം രാജന് ബോംബ് സ്ഥാപിച്ചത്. ഡിസംബറില് അതിന്റെ പ്രത്യാഘാതമുണ്ടാകും”-ഇതാണ് സുബ്രഹ്മണ്യന് സ്വാമിയുടെ ആരോപണത്തിന്റെ കാതല്. 24 ബില്യണ് ഡോളറിന്റെ സാമ്പത്തിക ബാധ്യതയിലേക്ക് ഇന്ത്യയിലെ ബാങ്കുകള് എത്തിച്ചേരുമെന്നും ഇത് സമ്പദ്ഘടനയെ ബാധിക്കുമെന്നുമാണ് സുബ്രഹ്മണ്യന് സ്വാമി പറയുന്നത്.
കാലാവധി പൂര്ത്തിയാക്കിയ രഘുറാം രാജന് റിസര്വ്വ് ബാങ്ക് ഗവര്ണര് സ്ഥാനത്തേക്ക് രണ്ടാമൂഴം നല്കരുതെന്ന് കാട്ടി പ്രധാനമന്ത്രി നരേന്ദ്രമോദിക്ക് സ്വാമി രണ്ടുതവണ കത്തയച്ചിരുന്നു.രഘുറാം രാജന് ഇന്ത്യയുടെ നിര്ണായക സാമ്പത്തിക രഹസ്യങ്ങള് വിദേശത്തേക്ക് കടത്തിയെന്ന് കഴിഞ്ഞ മെയ് 26 ന് ആരോപിച്ചിരുന്നു. രാജന് മാനസികമായി പൂര്ണമായും ഇന്ത്യക്കാരനല്ലെന്നും അതിനാല് ഇയാള് രാജ്യത്തിന്റെ സാമ്പത്തികാടിത്തറ തകര്ക്കുമെന്നും സ്വാമി പറഞ്ഞിരുന്നു. തന്റെ കാലാധി സംബന്ധിച്ച് കേന്ദ്രസര്ക്കാര് തീരുമാനിക്കട്ടെ എന്നാണ് ഇക്കാര്യത്തില് രഘുറാം രാജന്റെ നിലപാട്.
Discussion about this post