തിരുവനന്തപുരം: എബിവിപിയുടെ നേതൃത്വത്തില് നടന്ന സെക്രട്ടറിയേറ്റ് മാര്ച്ചിന് നേരെ എസ്എഫ്ഐ പ്രവര്ത്തകര് കല്ലെറിഞ്ഞു. വട്ടിയൂര്ക്കാവ് പോളിടെക്നിക്കിനെ സംരക്ഷിക്കണമെന്നും അടിസ്ഥാന സൗകര്യങ്ങള് വിപുലമാക്കണമെന്നും ആവശ്യപ്പെട്ടായിരുന്നു എ.ബി.വി.പി പ്രവര്ത്തകര് സെക്രട്ടേറിയേറ്റ് മാര്ച്ച് നടത്തിയത്. ഇതിനിടെ യൂണിവേഴ്സിറ്റി കോളേജില് നിന്ന് എസ്.എഫ്.ഐ പ്രവര്ത്തര് മാര്ച്ചിനുനേരെ കല്ലെറിഞ്ഞു. ഇതില് കുപിതരായി എ.ബി.വി.പി പ്രവര്ത്തകര് കോളേജിലേക്ക് കടക്കാന് ശ്രമിച്ചതോടെ സംഘര്ഷാവസ്ഥയായി.
ഉന്നത പൊലീസുദ്യോഗസ്ഥരും മുതിര്ന്ന നേതാക്കളും ഇടപെട്ട് പ്രവര്ത്തകരെ ഒരുവിധം പിന്തിരിപ്പിച്ചു. പാളയത്തുനിന്നാണ് എ.ബി.വി.പി മാര്ച്ച് ആരംഭിച്ചത്. യൂണിവേഴ്സിറ്റി കോളേജിന്റെ ഗേറ്റിന് സമീപം വിദ്യാര്ത്ഥികളുടെ പ്രകടനമെത്തിയപ്പോള് കോളേജിനുള്ളില്നിന്നും കല്ലുകള് മാര്ച്ചിന് നേരെ പതിക്കുകയായിരുന്നു.
സ്പെഷ്യല് ബ്രാഞ്ച് അസി. കമ്മിഷണര് റെജി ജേക്കബ് കല്ലെറിഞ്ഞവരെ പിടികൂടുമെന്ന് ഉറപ്പ് നല്കിയതിനെ തുടര്ന്നാണ് എ.ബി.വി.പി പ്രവര്ത്തകര് ശാന്തരായത്. തുടര്ന്ന് മാര്ച്ച് പുനരാരംഭിച്ചു. സെക്രട്ടേറിയറ്റിന്റെ മെയില് ഗേറ്റിനു സമീപം പൊലീസ് പ്രവര്ത്തകരെ തടഞ്ഞു. തുടര്ന്ന് പ്രവര്ത്തകര് റോഡില് കുത്തിയിരുന്നു. പോളിടെക്നിക്കുകളുടെ സംരക്ഷണം ആവശ്യപ്പെട്ട എ.ബി.വി.പി പ്രവര്ത്തകര് മാര്ച്ചിനുനേരെയുണ്ടായ അക്രമത്തില് പ്രതിഷേധം രേഖപ്പെടുത്തിയശേഷമാണ് പിരിഞ്ഞുപോയത്.
സമാധാനപരമായി നടത്തിയ മാര്ച്ചിന് നേരെ എസ്എഫ്ഐ ആക്രമണം നടത്തുകയായിരുന്നുവെന്ന് എബിവിപി ആരോപിച്ചു. ഭരണത്തിന്റെ മറവില് അഴിഞ്ഞാടുകയാണ് എസ്എഫ്ഐയെന്നും നേതാക്കള് പറഞ്ഞു.
യൂണിവേഴ്സിറ്റി കോളേജില് നിന്ന് വിദ്യാര്ത്ഥികള് മാര്ച്ചിന് നേരെ കല്ലെറിയുന്ന വീഡിയൊ പുറത്ത് വന്നിട്ടുണ്ട്.
വീഡിയൊ കാണുക-
https://www.youtube.com/watch?v=ewphz5Sr-ZA&feature=youtu.be
Discussion about this post