ഡല്‍ഹി: ആണവായുധം ആദ്യം ഉപയോഗിക്കില്ലെന്ന ഇന്ത്യയുടെ നയത്തില്‍ ഉറച്ച് നില്‍ക്കേണ്ടതില്ലെന്ന പ്രതിരോധമന്ത്രി മനോഹര്‍ പരീക്കറുടെ പ്രസ്താവന ചര്‍ച്ചയാകുന്നു. .
എന്തിനാണ് നാം സ്വയം നിയന്ത്രണം വെക്കുന്നത്. ഉത്തരവാദിത്വമുള്ള ഒരു ആണവ ശക്തി എന്ന നിലയില്‍ നാം നിരുത്തരവാദപരമായി ആണവായുധം ഉപയോഗിക്കില്ല എന്നല്ലേ പറയേണ്ടത്. അങ്ങനെയാണ് ഞാന്‍ ചിന്തിക്കുന്നത്. ഇങ്ങനെയായിരുന്നു പരീക്കറുടെ പ്രസ്താവന.
എന്നാല്‍ വ്യക്തിപരമായ അഭിപ്രായം മാത്രമാണ് പറഞ്ഞതെന്ന് അദ്ദേഹം തന്നെ വ്യക്തമാക്കിയിട്ടുണ്ടെന്നും ഇത് ഔദ്യോഗിക നിലപാടല്ലെന്നും പ്രതിരോധ മന്ത്രാലയ വക്താവ് വ്യക്തമാക്കി.
പലപ്പോഴും അയല്‍ രാജ്യത്തുനിന്ന് ആണവായുധം ഉപയോഗിക്കുമെന്ന ഭീഷണി ഉണ്ടാവാറുണ്ടെന്നും എന്നാല്‍ ഇന്ത്യ നടത്തിയ മിന്നലാക്രമണത്തിനു ശേഷം അങ്ങനെയൊരു ഭീഷണി ഉണ്ടായിട്ടില്ലെന്നും പരീക്കര്‍ ചൂണ്ടിക്കാട്ടി.
Discussion about this post