ലക്‌നൗ: ഉത്തര്‍പ്രദേശിലെ ലക്‌നൗ-ആഗ്ര എക്‌സ്പ്രസ് വേയില്‍ ദേശീയപാതയുടെ ഉദ്ഘാടനത്തോട് അനുബന്ധിച്ച് വ്യോമസേനയുടെ ആറു യുദ്ധവിമാനങ്ങള്‍ ഇറക്കി. സമാജ്‌വാദി പാര്‍ട്ടി നേതാവ് മുലായംസിങ് യാദവാണ് പാതയുടെ ഉദ്ഘാടനം നിര്‍വഹിച്ചത്. മുഖ്യമന്ത്രി അഖിലേഷ് യാദവ് സന്നിഹിതനായിരുന്നു. വ്യോമസേനയുടെ സുഖോയ്, മിറാഷ് 2000 വിമാനങ്ങളാണ് പാതയില്‍ ഇറക്കിയത്. മുലായത്തിന്റെ എഴുപത്തിമൂന്നാം പിറന്നാള്‍ ദിനത്തിലാണ് പാതയുടെ ഉദ്ഘാടനം.
23 മാസത്തിനുള്ളില്‍ റെക്കോര്‍ഡ് വേഗത്തിലാണ് ഡല്‍ഹിയില്‍നിന്ന് ഉത്തര്‍പ്രദേശ് വരെ അഞ്ചു മണിക്കൂറിനുള്ളില്‍ എത്താന്‍ സാധിക്കുന്ന 305 കിലോമീറ്ററുള്ള എക്‌സ്പ്രസ്‌വേ പണിതീര്‍ത്തത്. പണി പൂര്‍ത്തിയായ എക്‌സ്പ്രസ് വേയില്‍ നവംബര്‍ രണ്ടാം വാരത്തില്‍ പരീക്ഷണം നടത്താനായിരുന്നു തീരുമാനം. എന്നാല്‍ യുപി സര്‍ക്കാരിന്റെ പ്രത്യേക അഭ്യര്‍ഥന മാനിച്ച് ഈ അഭ്യാസപ്രകടനം ഉദ്ഘാടന ദിനത്തിലേക്കു മാറ്റുകയായിരുന്നു.
കഴിഞ്ഞ വര്‍ഷം മെയില്‍ യമുന എക്‌സ്പ്രസ് വേയില്‍ ഇന്ത്യന്‍ വ്യോമസേന മിറാഷ് 2000 യുദ്ധവിമാനം ഇറക്കിയിരുന്നു. യുദ്ധ സമാന സാഹചര്യം മറികടക്കാനുള്ള പരിശീലനങ്ങളിലൊന്നായിരുന്നു ഇത്. നിലവില്‍ ജര്‍മ്മനി, പോളണ്ട്, സ്വീഡന്‍, ദക്ഷിണകൊറിയ, തായ്‌വാന്‍, ഫിന്‍ലന്‍ഡ്, സ്വിറ്റ്‌സര്‍ലന്‍ഡ്, പോളണ്ട്, സിംഗപ്പൂര്‍, പാകിസ്ഥാന്‍ തുടങ്ങിയ രാജ്യങ്ങള്‍ തങ്ങളുടെ എക്‌സ്പ്രസ് വേയില്‍ വിജയകരമായി യുദ്ധവിമാനങ്ങള്‍ ഇറക്കിയിട്ടുണ്ട്.
#WATCH Unnao: IAF Mirage 2000 jets touch down on Agra-Lucknow expressway pic.twitter.com/xiZtjzZzHy
— ANI UP/Uttarakhand (@ANINewsUP) November 21, 2016
Discussion about this post