ഡല്‍ഹി: കേന്ദ്ര വിദേശകാര്യ മന്ത്രി സുഷമാ സ്വരാജിന് ഡല്‍ഹി എയിംസ് ആശുപത്രിയില്‍ നടത്തിയ വൃക്ക മാറ്റിവയ്ക്കല്‍ ശസ്ത്രക്രിയ വിജയകരം. രാവിലെ ഒമ്പത് മണിയോടെ എയിംസ് ഡയറക്ടര്‍ എം.സി.മിശ്ര. മുതിര്‍ന്ന ഡോക്ടര്‍മാരായ വി.കെ.ബന്‍സല്‍, വി.സീനു, നെഫ്രോളജി വിദഗ്ദ്ധന്‍ സന്ദീപ് മഹാജന്‍ എന്നിവരുടെ നേതൃത്വത്തില്‍ നടന്ന ശസ്ത്രക്രിയ അഞ്ചു മണിക്കൂര്‍ നീണ്ടുനിന്നു. ശസ്ത്രക്രിയയ്ക്കു ശേഷം സുഷമയെ തീവ്ര പരിചരണ വിഭാഗത്തിലേക്ക് മാറ്റി.
സുഷമയുടെ ബന്ധുവല്ലാത്ത ഒരാളുടെ വൃക്കയാണ് സുഷമയ്ക്ക് വച്ചുപിടിപ്പിച്ചത്. ദീര്‍ഘനാളായി പ്രമേഹ രോഗിയായിരുന്നു സുഷമയെ നവംബര്‍ ഏഴിനാണ് ആശുപത്രിയില്‍ പ്രവേശിപ്പിച്ചത്.
Discussion about this post