ചെന്നൈ: ശ്വാസതടസ്സത്തെ തുടര്‍ന്ന് ഡിഎംകെ നേതാവ് എം. കരുണാനിധിയെ ആശുപത്രിയില്‍ പ്രവേശിപ്പിച്ചു. വ്യാഴാഴ്ച രാത്രി പതിനൊന്നു മണിയോടെയാണ് 93കാരനായ കരുണാനിധിയെ ചെന്നൈയിലെ കാവേരി ആസ്പത്രിയില്‍ പ്രവേശിപ്പിച്ചത്.
ശ്വാസകോശത്തിലും തൊണ്ടയിലുമുള്ള അണുബാധയാണ് ശ്വാസതടസ്സത്തിന് കാരണമെന്ന് ആസ്പത്രി അധികൃതര്‍ പറഞ്ഞു. അണുബാധയ്ക്കുള്ള ചികിത്സ ആരംഭിച്ചെന്നും കരുണാനിധിയുടെ ആരോഗ്യനിലയില്‍ ആശങ്കപ്പെടാനില്ലെന്നും ആശുപത്രി വൃത്തങ്ങള്‍ അറിയിച്ചു. വെന്റിലേറ്ററില്‍ ഡോക്ടര്‍മാരുടെ നിരീക്ഷണത്തിലാണ് അദ്ദേഹം ഇപ്പോള്‍. ഈ മാസമാദ്യം മരുന്നുകഴിച്ചുണ്ടായ അലര്‍ജിയെ തുടര്‍ന്ന് കരുണാനിധിയെ ഇതേ ആസ്പത്രിയില്‍ പ്രവേശിപ്പിച്ചിരുന്നു.
Discussion about this post