ഡല്ഹി: കോണ്ഗ്രസ് സംഘടിപ്പിക്കുന്ന സംയുക്ത പ്രതിപക്ഷ കക്ഷികളുടെ പ്രവര്ത്തനങ്ങളില് പങ്കെടുക്കില്ലെന്ന് സിപിഎം ജനറല് സെക്രട്ടറി സീതാറാം യെച്ചൂരി മാധ്യമങ്ങളോട് പറഞ്ഞു.കേന്ദ്ര സര്ക്കാരിന്റെ നോട്ട് നിരോധനത്തിനെ ഒരുമിച്ച് നേരിടാനുള്ള പ്രവര്ത്തനങ്ങള്ക്കായാണ് സംയുക്ത പ്രതിപക്ഷ യോഗം. യോഗത്തില് പങ്കെടുക്കില്ലെന്ന സൂചനയാണ് സീതാറാം യെച്ചൂരി നല്കുന്നത്. 16 പ്രതിപക്ഷ കക്ഷികളില് എല്ലാവരും പങ്കെടുക്കുന്നില്ലെന്നും യെച്ചൂരി പറഞ്ഞു.
വേണ്ട രീതിയില് പ്ലാന് ചെയ്തല്ല നാളത്തെ സമ്മേളനം നടക്കുന്നതെന്നും ,ആര്ജെഡി, എന്സിപി പാര്ട്ടികള്ക്കും സമ്മേളനത്തെക്കുറിച്ച് ആക്ഷേപമുണ്ടെന്നും അദ്ദേഹം പറഞ്ഞു. . പ്രധാനമന്ത്രിയുടെ തീരുമാനങ്ങള് ഉണ്ടാകുന്നത് അനുസരിച്ച് ഇടതുപക്ഷം പ്രതിഷേധം സംഘടിപ്പിക്കുമെന്നും മറ്റു പ്രതിപക്ഷ കക്ഷികളോട് അപ്പോള് സംസാരിക്കുമെന്നും അദ്ദേഹം പറഞ്ഞു.
Discussion about this post