തിരുവനന്തപുരം ലോ അക്കാദമി മുന്‍ പ്രിന്‍സിപ്പാള്‍ ലക്ഷ്മി നായരെ അറസ്റ്റ് ചെയ്യണമെന്ന് ദേശീയ വനിത കമ്മീഷന്‍ അംഗം സുഷമ സാഹു ആവശ്യപ്പെട്ടു. ലോ അക്കാദമി വിദ്യാര്‍ത്ഥികളുടെ മൊഴി എടുത്തതിനു ശേഷമാണ് ലക്ഷ്മി സാഹു നിലപാട് വ്യക്തമാക്കിയത്. ല്രഷ്മി നായര്‍ ഹിറ്റ്ലറെ പോലെയാണ് പെരുമാറുന്നതെന്ന് വിദ്യാര്‍ത്ഥികള്‍ പറഞ്ഞതായി സുഷമ
സാഹു പറഞ്ഞു. അക്കാദമി ജയിലുപോലെയായിരുന്നുവെന്നും വിദ്യാര്‍ത്ഥികള്‍ പരാതിപ്പെട്ടുവെന്നും അവര്‍ പറഞ്ഞു.
വിദ്യാര്‍ത്ഥികളുടെ പരാതിയില്‍ ലക്ഷ്മി നായരെ ഉടന്‍ അറസ്റ്റ് ചെയ്യണമെന്ന് സിറ്റി പൊലീസ് കമ്മിഷണരെ നേരിട്ട് പോയി ആവശ്യപ്പെടുമെന്ന് സാഹു അറിയിച്ചു.
29 ദിവസം നീണ്ടുനിന്ന പ്രക്ഷോഭങ്ങള്‍ക്ക് ശേഷമാണ് തിരുവനന്തപുരം ലോ അക്കാദമി കോളെജിലെ വിദ്യാര്‍ത്ഥി സമരം അവസാനിച്ചത്. ലക്ഷ്മിനായരെ പ്രിന്‍സിപ്പല്‍ സ്ഥാനത്തുനിന്നും പൂര്‍ണമായി മാറ്റി, പുതിയ പ്രിന്‍സിപ്പലിനെ യൂണിവേഴ്‌സിറ്റി ചട്ടങ്ങള്‍ക്ക് അനുസൃതമായി നിയമിക്കണമെന്ന വിദ്യാര്‍ഥികളുടെ ആവശ്യത്തിന് മാനെജ്‌മെന്റ് അംഗീകരം നല്‍കിയതിനു പിന്നാലെയാണ് സമരം അവസാനിച്ചത്.
Discussion about this post