ന്യൂഡൽഹി : അപൂർവ്വങ്ങളിൽ അപൂർവ്വമായി മാത്രം കാണാൻ സാധിക്കുന്ന വാൽ നക്ഷത്രം ഇന്ന് ഭൂമിയുടെ അടുത്തെത്തും. ലോകത്ത് എല്ലായിടത്ത് നിന്നും ഈ നക്ഷത്രം കാണാൻ സാധിക്കും. പച്ച നിറത്തോട് കൂടിയാണ് ഇതിനെ കാണാൻ സാധിക്കുക. വാല് തന്നെയാണ് ഈ നക്ഷത്രത്തിന്റെ പ്രത്യേകത.
ഭൂമിയുടെ ഉപരിതലത്തിൽ നിന്ന് 42 മില്യൺ കിലോമീറ്റർ അകലെയാണ് ഈ നക്ഷത്രം കാണപ്പെടുന്നത്. 50000 വർഷത്തിന് മുമ്പാണ് ഈ വാൽ നക്ഷത്രത്തെ അവസാനമായി കണ്ടത്. അന്ന് ഭൂമിയിൽ വസിച്ചിരുന്നത് നിയാണ്ടർതാൽ മനുഷ്യരായിരുന്നു.
സൂര്യന് ചുറ്റും ഭ്രമണം പൂർത്തിയാക്കിയ ശേഷമാണ് വാൽനക്ഷത്രം ഭൂമിക്ക് മുകളിലൂടെ കടന്ന് പോകുന്നത്. തെളിഞ്ഞും ഇരുണ്ടുമുള്ള ആകാശത്തിൽ മാത്രമേ ഇവയെ കാണാൻ സാധിക്കൂ. അധികം പ്രകാശം വഹിക്കാത്തത് കൊണ്ട് തന്നെ ബൈനോക്കുലർ ഉപയോഗിക്ക് നോക്കാം. നഗ്ന നേത്രങ്ങൾ കൊണ്ട് കാണാനാകില്ലെന്ന് സാരം. സൂര്യപ്രകാശത്തിന്റെ സാന്നിദ്ധ്യവും നക്ഷത്രത്തിനുള്ളിലെ കാർബൺ തന്മാത്രകളുടെ സംയോജനവും കൊണ്ടാണ് ഇവ പച്ച നിറത്തിൽ കാണപ്പെടുന്നത്.
രാത്രി 9.30 ക്ക് ശേഷം മാത്രമേ ഇവയെ കാണാനാകൂ. പശ്ചിമ ബംഗാൾ, ഒഡിഷ, ലഡാക്ക്, വടക്ക് കിഴക്കൻ സംസ്ഥാനങ്ങൾ എന്നിവിടങ്ങളിൽ നിന്ന് ഈ അപൂർവ്വ ദൃശ്യം കാണാൻസാധിക്കുമെന്നാണ് വിവരം.
