ലണ്ടൻ: ഖാലിസ്ഥാൻ ഭീകരർ ആക്രമണം നടത്തിയ ലണ്ടനിലെ ഇന്ത്യൻ ഹൈക്കമ്മീഷനിൽ ഐക്യദാർഢ്യവുമായി ഒഴുകിയെത്തി ദേശസ്നേഹികൾ. ദേശീയപതാക വലിച്ചുകീറിയ ഖാലിസ്ഥാനികളോടുളള പ്രതികാരമായി മൂവർണക്കൊടിയും കൈയ്യിലേന്തിയായിരുന്നു ഐക്യദാർഢ്യം പ്രഖ്യാപിച്ച് നൂറുകണക്കിന് പ്രവാസി ഇന്ത്യക്കാർ ഹൈക്കമ്മീഷന് മുൻപിലെത്തിയത്.
ഹൈക്കമ്മീഷൻ ഓഫീസ് അക്രമിച്ചവർക്കെതിരെ മേയറും ബ്രിട്ടീഷ് സർക്കാരും ശക്തമായ നടപടിയെടുക്കണമെന്ന് പ്രതിഷേധക്കാർ ആവശ്യപ്പെട്ടു. യുകെയുടെ വിവിധ ഭാഗങ്ങളിൽ കഴിയുന്ന പ്രവാസി ഇന്ത്യക്കാരാണ് ലണ്ടനിലെ ഹൈക്കമ്മീഷന് മുൻപിലെത്തി രാജ്യത്തോട് ഐക്യദാർഢ്യം പ്രകടിപ്പിച്ചത്. കുറ്റവാളികൾക്കെതിരെ ലണ്ടൻ മേയർ സാദിഖ് ഖാനും സർക്കാരും കൃത്യമായ നടപടിയെടുക്കണമെന്ന് പ്രതിഷേധക്കാർ ആവശ്യപ്പെട്ടു. പ്രസ്താവനയല്ല നടപടിയാണ് ആവശ്യമെന്നും പ്രതിഷേധക്കാർ ചൂണ്ടിക്കാട്ടി.
ഖാലിസ്ഥാനി ഭീകരൻ അമൃത് പാൽ സിംഗിനെ പിടികൂടാൻ പഞ്ചാബ് സർക്കാർ നടപടി തുടങ്ങിയതിന് പിന്നാലെയാണ് ലണ്ടനിലെ ഇന്ത്യൻ ഹൈക്കമ്മീഷനിലേക്ക് ഖാലിസ്ഥാൻ അനുകൂലികൾ അക്രമം നടത്തിയത്. ഹൈക്കമ്മീഷന് മുൻപിലെ ദേശീയപതാക വലിച്ചുകീറുകയും ചെയ്തിരുന്നു. വിഷയത്തിൽ ഇന്ത്യ ശക്തമായ പ്രതിഷേധം അറിയിച്ചിരുന്നു. ഇതിന് പിന്നാലെ പുതിയ പതാക ഹൈക്കമ്മീഷന് മുൻപിൽ സ്ഥാപിക്കുകയും ചെയ്തു. നയതന്ത്ര കാര്യാലയങ്ങൾക്ക് മതിയായ സുരക്ഷ ഒരുക്കണമെന്ന് ഇന്ത്യ യുകെ സർക്കാരിനോട് ആവശ്യപ്പെടുകയും ചെയ്തിട്ടുണ്ട്.
ദേശഭക്തി നിറയ്ക്കുന്ന ഗാനങ്ങൾക്കൊപ്പം ചുവടുവെച്ചും പ്രവാസികൾ മാതൃരാജ്യത്തോടുളള കൂറ് പ്രകടിപ്പിച്ചു. സംഘർഷം നിയന്ത്രിക്കാനെത്തിയ ബ്രിട്ടീഷ് സുരക്ഷാ ഉദ്യോഗസ്ഥരും അവർക്കൊപ്പം താളം പിടിക്കുന്നത് കാണാമായിരുന്നു.
#WATCH | British policeman dances with Indian supporters outside the Indian High Commission in London.
Indians have gathered outside Indian High Commission to protest against the Khalistanis and in support of the Indian flag. pic.twitter.com/puQq5Y7kRZ
— ANI (@ANI) March 21, 2023
