ടെല് അവീവ്: ലെബനനിലെ ഹിസ്ബുള്ള ഭീകരര് സാധാരണക്കാരുടെ വീടുകള് ആയുധപ്പുരകളാക്കുന്നുവെന്ന് ആരോപണമുന്നയിച്ച് ഇസ്രയേല്. ലെബനനെതിരായ പിന്നാലെയാണ് ആരോപണം. സാധാരണക്കാരുടെ വീടുകളെ ഹിസ്ബുള്ള മിസൈല് കേന്ദ്രങ്ങളാക്കുന്നുവെന്ന് ആരോപിക്കുന്ന ഗ്രാഫിക്സ് വീഡിയോ ഇസ്രയേല് പുറത്തുവിട്ടു.
മുമ്പ് തന്നെ ദക്ഷിണ ലെബനനിലെ ചില പ്രദേശങ്ങളിലെ ജനങ്ങളോട് ആക്രമണത്തിന് മുമ്പ് ഒഴിഞ്ഞുപോകാന് ഇസ്രയേല് സൈന്യം മുന്നറിയിപ്പ് നല്കിയിരുന്നുവെന്ന് ഇസ്രയേലി പ്രതിരോധ സേന (ഐ.ഡി.എഫ്) മേധാവി ഡാനിയേല് ഹഗാരി വീഡിയോ സന്ദേശത്തില് പറഞ്ഞു. സാധാരണ ജനങ്ങളെ പരമാവധി സംരക്ഷിക്കാനായാണ് ഇത്തരത്തില് മുന്നറിയിപ്പ് നല്കിയത്. ഗ്രാമങ്ങളില് ഹിസ്ബുള്ളയുടെ വലിയ സൈനിക സാന്നിധ്യമാണ് ഉള്ളതെന്നും അദ്ദേഹം പറഞ്ഞു.
‘ഹിസ്ബുള്ള ജനങ്ങള് ഒഴിഞ്ഞുപോകുന്നതിനെ എതിര്ത്തു. അവര് ജനങ്ങളോട് വീടുകളില് തുടരാന് ആവശ്യപ്പെട്ടു. സാധാരണക്കാരെ ഭീകര പ്രവര്ത്തനങ്ങള്ക്കുവേണ്ടി ഹിസ്ബുള്ള മനുഷ്യകവചമായി ഉപയോഗിക്കുകയാണ്. ഹിസ്ബുള്ള എങ്ങനെയാണ് മാരകമായ ആയുധങ്ങള് ജനങ്ങളുടെ വീടുകളില് സൂക്ഷിച്ച് അവരുടെ ജീവന് അപകടത്തിലാക്കുന്നത് എന്ന് ഞങ്ങള് ഇന്ന് തുറന്നുകാണിക്കുകയാണ്.’ -ഡാനിയേല് ഹഗാരി പറഞ്ഞു.
വീടുകളില് സൂക്ഷിച്ച ദീര്ഘദൂര മിസൈലുകള് ഉള്പ്പെടെയുള്ള ഹിസ്ബുള്ളയുടെ ആയുധ ശേഖരമെന്ന് അവകാശപ്പെടുന്ന ചിത്രങ്ങളും ഇസ്രയേല് പുറത്തുവിട്ടു. ഹൈഡ്രോളിക് സംവിധാനത്തിനുമേലാണ് മിസൈലുകള് ഘടിപ്പിച്ചിരിക്കുന്നത്. ഇസ്രയേലിലെ ജനവാസകേന്ദ്രങ്ങളെ ലക്ഷ്യമിടുന്ന ഈ മിസൈലുകള് ഏതുനിമിഷവും തൊടുത്തുവിടാവുന്ന തരത്തിലുള്ളതാണെന്നും ഐ.ഡി.എഫ്. പറയുന്നു.
‘ലോങ് റേഞ്ച് ക്രൂയിസ് മിസൈലുകളും ഭാരമേറിയ റോക്കറ്റുകളും ആളില്ലാ വിമാനങ്ങളും ഉള്പ്പെടെ സൂക്ഷിച്ച 1300 കേന്ദ്രങ്ങളില് ഒന്നിലെ മാത്രം റോക്കറ്റാണ് ഇത്. ഇസ്രായേലിലുടനീളം കനത്ത നാശനഷ്ടമുണ്ടാക്കാന് ശേഷിയുള്ള ആയുധങ്ങളാണ് ഇവ.’ -ഐ.ഡി.എഫ്. കൂട്ടിച്ചേര്ത്തു. ലെബനനില് ഇസ്രയേല് കഴിഞ്ഞദിവസം നടത്തിയ വ്യോമാക്രമണത്തില് 492 പേരാണ് കൊല്ലപ്പെട്ടത്.
IDF reveals how Hezbollah stores missiles within civilian buildings in villages. Those building are currently being attacked and destroyed.
Entire villages will be destroyed and people will become homeless, due to Hezbollah’s disregard for their lives.
pic.twitter.com/LDyqHAwdlH— Dr. Eli David (@DrEliDavid) September 23, 2024
Discussion about this post