കൊച്ചി: മാവോയിസ്റ്റ് ബന്ധം ആരോപിച്ച് യുഎപിഎ ചുമത്തി അറസ്റ്റ് ചെയ്ത അലന് ഷുഹൈബ് (19), താഹ ഫൈസല് (24) എന്നിവരുടെ ജാമ്യാപേക്ഷ തള്ളി. ഹൈക്കോടതിയാണ് ഇരുവരുടെയും ജാമ്യാപേക്ഷ തള്ളിയത്. മാവോയിസ്റ്റ് ബന്ധത്തിന് തെളിവുണ്ടെന്ന് ഹൈക്കോടതി പറഞ്ഞു.
പ്രോസിക്യൂഷന്റെ വാദങ്ങള് അംഗീകരിച്ചായിരുന്നു കോടതിയുടെ ഉത്തരവ്.
പോലീസ് ഹാജരാക്കിയ കേസ് ഡയറിയും മറ്റു തെളിവുകളും ഹൈക്കോടതി വിശദമായി പരിശോധിച്ചിരുന്നു. പ്രതികളുടെ മാവോവാദി ബന്ധം തെളിയിക്കുന്ന തെളിവുകളും യുഎപിഎ ചുമത്തിയതിന്റെ കാരണവും പോലീസ് കോടതിയെ അറിയിച്ചു. ഇതെല്ലാം പരിശോധിച്ച് പോലീസ് ചുമത്തിയ കുറ്റങ്ങള് നിലനില്ക്കുമെന്ന് ചൂണ്ടിക്കാണിച്ചാണ് ജാമ്യം നിഷേധിച്ചത്.
യുഎപിഎ കേസില് നേരത്തെ കോഴിക്കോട് ജില്ലാ പ്രിന്സിപ്പല് സെഷന്സ് കോടതിയും പ്രതികള്ക്ക് ജാമ്യം നിഷേധിച്ചിരുന്നു.
നവംബര് രണ്ടിനാണ് ഇരുവരെയും മാവോയിസ്റ്റ് ബന്ധത്തിന്റെ പേരില് അറസ്റ്റ് ചെയ്തത്.
Discussion about this post