ഒന്നാം യുപിഎ സര്ക്കാറിന്റെ കാലത്തെ ബോയിങ്ങ-്എയര്ബസ് കരാറിലെ അഴിമതിയെ സംബന്ധിച്ച് മുന് കേന്ദ്ര ആഭ്യന്തരമന്ത്രി ചിദംബരത്തെ എന്ഫോഴ്സ്മെന്റ് ഡയറക്ട്രേറ്റ് വീണ്ടും ചോദ്യം ചെയ്തു. വെള്ളിയാഴ്ചയാണ് എന്ഫോഴ്സ്മെന്റ് ചിദംബരത്തെ ചോദ്യം ചെയ്തത്. ഒന്നാം യുപിഎ സര്ക്കാറിന്റെ കാലത്ത് നാല്പതിനായിരം കോടി രൂപയ്ക്ക് നടന്ന കരാറിലെ അഴിമതിയെപ്പറ്റിയാണ് എന്ഫോഴ്സ്മെന്റ് അന്വേഷിയ്ക്കുന്നത്.
2ജി അഴിമതിക്കേസിലും എയസെല് മാക്സിസ്, ഐ എന് എക്സ് മീഡിയ കള്ളപ്പണക്കേസിലുമാണ് ഇപ്പോള് ചിദംബരം അന്വേഷണവിധേയനായിട്ടുള്ളത്. അതിനൊപ്പം ഈ കേസുകൂടിയാകുന്നതോടെ യു പി എ സര്ക്കാരുകളുടെ കാലത്തെ അഴിമതിക്കേസുകളില് പുതിയതായി ഒന്നുകൂടി ചേര്ക്കുകയാണ്.
20052006 കാലഘട്ടത്തില് പതിനൊന്ന് എയര്ബസുകള് വാങ്ങാന് നടത്തിയ കരാറിലെ അഴിമതിയാണ് എന്ഫോഴ്സ്മെന്റ് അന്വേഷിയ്ക്കുന്നത്. ഈ കാരാറാണ് എയര് ഇന്ത്യയുടെ നട്ടെല്ലൊടിച്ച് സ്ഥാപനത്തെ കടക്കെണിയിലാക്കിയത്.
എന്ഫൊഴ്സ്മെന്റ് ഡയറക്ട്രേറ്റ് ആസ്ഥാനത്ത് വെള്ളിയാഴ്ച രാവിലെ പത്ത് മണിയ്ക്ക് തുടങ്ങിയ ചോദ്യം ചെയ്യല് ആറുമണിക്കൂര് നീണ്ടുനിന്നു. ഈ കേസില് ദീപക് തല്വാര് എന്ന ദല്ലാളിനേയും എന്ഫോഴ്സ്മെന്റ് ഇതിനകം അറസ്റ്റ് ചെയ്തിട്ടുണ്ട്. ദീപക് തല്വാറിന്റെ പേരിലുള്ള വിവിധ കടലാസ് കമ്പനികളിലേക്ക് ഈ കരാര് ലഭിയ്ക്കുന്നതിനുള്ള അഴിമതിപ്പണമായി കുറഞ്ഞത് 370 കോടി രൂപയെങ്കിലും എത്തിയിട്ടുണ്ടാവുമെന്നാണ് റിപ്പോര്ട്ടുകള് സൂചിപ്പിയ്ക്കുന്നത്.
അന്നത്തെ വ്യോമയാനമന്ത്രാലയവുമായി സ്ഥിരം ബന്ധമുണ്ടായിരുന്ന ദീപക് തല്വാറിനെ കഴിഞ്ഞ കൊല്ലം ജനുവരിയില് ദുബായില് വച്ച് അറസ്റ്റ് ചെയ്യുകയും യു എ ഇ ഗവണ്മെന്റ് ഇന്ത്യക്ക് കൈമാറുകയുമായിരുന്നു. ഈ കേസിനോടനുബന്ധിച്ച്. അന്നത്തെ സിവില് വ്യോമയാനമന്ത്രി പ്രഫുല് പട്ടേലിനേയും ചോദ്യം ചെയ്തിരുന്നു.
കരാറിലെ അഴിമതിയോടൊപ്പം ഈ വിമാനങ്ങള് സമയത്തെത്തിയ്ക്കാന് വൈകിയതുകൊണ്ട് കരാര് പ്രകാരം 7000 കോടിരൂപയെങ്കിലും എയര് ഇന്ത്യയ്ക്ക് നഷ്ടപരിഹാരം നല്കാന് എയര്ബസ് കമ്പനി ബാധ്യസ്ഥമായിരുന്നു. അതിനുപകരം വെറൂം 1500 കോടി രൂപ നഷ്ടപരിഹാരം നല്കിയാല് മതിയെന്ന തീരുമാനമെടുത്ത് അക്കാര്യത്തിലും കൊടിയ നഷ്ടം അന്നത്തെ യുപിഎ ഗവണ്മെന്റ് എയര് ഇന്ത്യയ്ക്ക് വരുത്തിവച്ചിരുന്നു. കണ്ട്രോളര് ആന്ഡ് ഓഡിറ്റര് ജനറല് ഇതിനെപ്പറ്റി റിപ്പോര്ട്ട് നല്കിയതിന്റെ ഭാഗമായാണ് അഴിമതി അന്വേഷണം ആരംഭിച്ചത്.
Discussion about this post