തിരുവനന്തപുരം: കേരളത്തിൽ ഒമ്പത് പേര്ക്ക് കൂടി ഒമിക്രോണ് സ്ഥിരീകരിച്ചതായി ആരോഗ്യ വകുപ്പ് മന്ത്രി. എറണാകുളത്തെത്തിയ 6 പേര്ക്കും തിരുവനന്തപുരത്തെത്തിയ 3 പേര്ക്കുമാണ് ഒമിക്രോണ് സ്ഥിരീകരിച്ചത്.
യുകെയില് നിന്നുമെത്തിയ രണ്ട് പേര് (18), (47), ടാന്സാനിയയില് നിന്നുമെത്തിയ യുവതി (43), ആണ്കുട്ടി (11), ഘാനയില് നിന്നുമെത്തിയ യുവതി (44), അയര്ലാന്ഡില് നിന്നുമെത്തിയ യുവതി (26) എന്നിവര്ക്കാണ് എറണാകുളത്ത് രോഗം സ്ഥിരീകരിച്ചത്. നൈജീരിയയില് നിന്നും വന്ന ഭര്ത്താവിനും (54), ഭാര്യയ്ക്കും (52), ഒരു സ്ത്രീയ്ക്കുമാണ് (51) തിരുവനന്തപുരത്ത് ഒമിക്രോണ് സ്ഥിരീകരിച്ചത്.
സംസ്ഥാനത്ത് ഇതുവരെ ആകെ 24 പേര്ക്കാണ് ഒമിക്രോണ് സ്ഥിരീകരിച്ചത്. ഡിസംബര് 18, 19 തീയതികളില് എറണാകുളം എയര്പോര്ട്ടിലെത്തിയ 6 പേരും എയര്പോര്ട്ട് പരിശോധനയില് കോവിഡ് പോസിറ്റീവായിരുന്നു.
Discussion about this post