അഹമ്മദാബാദ്: ഗുജറാത്തിലെ സോമനാഥ ക്ഷേത്രം സന്ദർശിച്ച് കേന്ദ്ര ആഭ്യന്തര മന്ത്രി അമിത് ഷാ. കുടുംബത്തോടൊപ്പമാണ് അദ്ദേഹം ഞായറാഴ്ച രാവിലെ ക്ഷേത്രത്തിൽ എത്തിയത്. രണ്ട് ദിവസത്തെ സന്ദർശത്തിനായി സംസ്ഥാനത്ത് എത്തിയതായിരുന്നു അമിത് ഷാ.
കഴിഞ്ഞ ദിവസമാണ് അദ്ദേഹം ഗുജറാത്തിൽ എത്തിയത്. സന്ദർശനത്തിന്റെ രണ്ടാം ദിനമായിരുന്നു ഞായറാഴ്ച. രാവിലെ ഭാര്യയ്ക്കും കൊച്ചുമകൾക്കും ഒപ്പമാണ് അദ്ദേഹം സോമനാഥ ക്ഷേത്രത്തിൽ എത്തിയത്. വിവിധ പൂജകളിൽ അദ്ദേഹം പങ്കെടുത്തു. വഴിപാടുകളും അർപ്പിച്ച ശേഷമായിരുന്നു അദ്ദേഹത്തിന്റെ മടക്കം.
ക്ഷേത്രത്തിൽ എത്തിയ അമിത് ഷായ്ക്കും കുടുംബത്തിനും വലിയ വരവേൽപ്പാണ് ക്ഷേത്രം അധികൃതർ നൽകിയത്. ഇവരുമായി അമിത് ഷാ സംസാരിക്കുകയും ചെയ്തു.
ദ്വിദിന സന്ദർശനത്തിനെത്തിയ അമിത് ഷാ ശനിയാഴ്ച 49ാമത് ക്ഷീര വ്യവസായി കൺവെൻഷനിൽ പങ്കെടുത്തു. ഇതിന് ശേഷം മഹാരാജ സയാജിറാവു സർവ്വകലാശാലയിലെ കോൺവൊക്കേഷൻ പരിപാടിയിലും അദ്ദേഹം പങ്കെടുത്തു.
