കൊല്ലം: അഴീക്കലില്‍ സദാചാര ഗുണ്ടകളുടെ ആക്രമണത്തിന് ഇരയായ പെണ്‍കുട്ടിക്ക് വധഭീഷണി. പെണ്‍കുട്ടി പോലീസില്‍ പരാതി നല്‍കി. ഭീഷണിക്കു പിന്നില്‍ കേസിലെ പ്രതികളുടെ സുഹൃത്തുക്കളാണെന്ന് സംശയിക്കുന്നു. യുവതിയോടൊപ്പം ആക്രമണത്തിനിരയായ പാലക്കാട് സ്വദേശി അനീഷ് ആത്മഹത്യ ചെയ്തിരുന്നു.
അനീഷും ശൂരനാട് സ്വദേശിനിയായ പെണ്‍കുട്ടിയും അഴീക്കല്‍ ബീച്ച് സന്ദര്‍ശിച്ച് മടങ്ങുന്നതിനിടയിലാണ് മദ്യപിച്ച് കൊണ്ടിരുന്ന അഞ്ചംഗസംഘം പെണ്‍കുട്ടിയെ തടഞ്ഞ് നിര്‍ത്തി അക്രമിച്ചത്. ഇത് തടയാനെത്തിയപ്പോഴാണ് അന്ന് അനീഷിന് മര്‍ദ്ദനമേറ്റത്. തുടര്‍ന്ന് അന്നുതന്നെ ദൃശ്യങ്ങള്‍ നവമാധ്യമങ്ങളിലൂടെ ഈ സംഘം പ്രചരിപ്പിക്കുകയും ചെയ്തിരുന്നു. ഇതിനെ തുടര്‍ന്നാണ് അനീഷ് ആത്മഹത്യ ചെയ്തത്.
Discussion about this post