ഭുവനേശ്വര്: അയോധ്യയില് രാമക്ഷേത്രം നിര്മിക്കുന്നതിന് അനുകൂലമായ നിരവധി രേഖകള് ഉണ്ടെന്നും അവ കോടതിക്കു മുമ്പാകെയുണ്ടെന്നും കേന്ദ്ര നിയമ മന്ത്രി രവിശങ്കര് പ്രസാദ അറിയിച്ചു്. രാമക്ഷേത്രം സംബന്ധിച്ച് സുപ്രീം കോടതിയുടെ വിധി കാത്തിരിക്കുകയാണ്. രാമജന്മഭൂമിയില് ക്ഷേത്രം നിര്മിക്കുന്നതിന് നിയമപരമായ സാധുത നല്കുന്ന നിരവധി തെളിവുകളുണ്ട്. ഒരു നിയമമന്ത്രി എന്നതിനേക്കാള്, നിയമ വിദഗ്ധന് എന്ന നിലയില് ഇക്കാര്യം തനിക്ക് വ്യക്തമായി പറയാന് സാധിക്കുമെന്നും അദ്ദേഹം പറഞ്ഞു.
ഭുവനേശ്വറില് നടക്കുന്ന ബിജെപി ദേശീയ നിര്വ്വാഹക സമിതി യോഗത്തിനെത്തിയതായിരുന്നു രവിശങ്കര് പ്രസാദ്.
അയോധ്യയില് ക്ഷേത്രം നിര്മിക്കുക എന്നത് ബിജെപിയുടെ ദീര്ഘകാലമായുള്ള കാര്യപരിപാടിയാണ്. ഇക്കാര്യത്തില് കോടതിയുടെ തീരുമാനമാണ് തങ്ങള് കാത്തിരിക്കുന്നതെന്നും അദ്ദേഹം വ്യക്തമാക്കി.
Discussion about this post