ഡല്ഹി: പ്രവര്ത്തനരഹിതവും കടലാസില് മാത്രമുള്ളതുമായ 393 സ്ഥാപനങ്ങളുടെ പേരില് കഴിഞ്ഞ മൂന്നുവര്ഷത്തിനിടെ 2900 കോടി രൂപയുടെ ഫണ്ട് വകമാറ്റിയതായി സി.ബി.ഐ. കണ്ടെത്തി. നികുതിവെട്ടിപ്പിനും കള്ളപ്പണ ഇടപാടുകള്ക്കും വേണ്ടിയാണിത്.
പ്രവര്ത്തനമില്ലാത്ത ഇത്തരം സ്ഥാപനങ്ങളുടെ പേരില് വ്യാജ ഇറക്കുമതിക്ക് പ്രതിഫലം നല്കുകയും ഈ പണം വിദേശത്തെത്തിക്കുകയുമാണ് ചെയ്യുന്നതെന്ന് കണ്ടെത്തി. ഇവ വിദേശനിക്ഷേപമായി കാണിച്ച് ഈ പണം തിരികെക്കൊണ്ടുവരികയും ചെയ്യുന്നു. 28 പൊതുമേഖലാ ബാങ്കുകളെയും ഒരു സ്വകാര്യ ബാങ്കിനെയും ഈ സ്ഥാപനങ്ങള് വഞ്ചിച്ചതായി സി.ബി.ഐ. കണ്ടെത്തിയിട്ടുണ്ട്. ഇതുകൂടാതെ, 30,000 കോടി രൂപയുടെ ഇടപാടുകളുമായി ബന്ധപ്പെട്ട ഇരുനൂറോളം കേസുകളും അന്വേഷിക്കുന്നുണ്ട്. കള്ളപ്പണം വെളുപ്പിക്കല് തടയല് നിയമം, ബിനാമി നിയമം തുടങ്ങിയ നിയമങ്ങളുടെ അടിസ്ഥാനത്തില് മറ്റ് അന്വേഷണ ഏജന്സികള്ക്ക് കേസുകള് കൈമാറുന്ന കാര്യവും ആലോചിക്കുന്നുണ്ടെന്ന് സി.ബി.ഐ. വൃത്തങ്ങള് അറിയിച്ചു.
മഹുവ ചാനല് നടത്തുന്ന സെഞ്ചുറി കമ്യൂണിക്കേഷന് ഗ്രൂപ്പുമായി ബന്ധപ്പെട്ട 3000 കോടി രൂപയുടെ കേസും അന്വേഷിക്കുന്നുണ്ട്. പ്രവര്ത്തനമില്ലാത്ത 98 സ്ഥാപനങ്ങളെ ഉപയോഗിച്ച് നോയിഡ, മുംബൈ, കൊല്ക്കത്ത തുടങ്ങിയ സ്ഥലങ്ങളില് ഡിജിറ്റല് സ്റ്റുഡിയോകള് സ്ഥാപിക്കാനായി ബാങ്ക് വായ്പകള് തരപ്പെടുത്തിയെന്നാണ് കേസ്.
Discussion about this post