ഇന്ത്യ ചൈനയെ പോല മുന്നേറുകയാണെന്ന് ചൈനിസ് മുഖപത്രമായ ഗ്ലോബല്‍ ടൈംസിന്റെ തുറന്ന് പറച്ചില്‍. ഇന്ത്യയുടെ വളര്‍ച്ച ചെറുതായി കാണേണ്ടെന്ന മുന്നറിയിപ്പും ചൈനിസ് സര്‍ക്കാരിന് മുന്നില്‍ ഗ്ലോബല്‍ ടൈംസ് ലേഖനം നിരത്തുന്നു.
”കൂടുതല്‍ വിദേശനിക്ഷേപങ്ങള്‍ ആകര്‍ഷിക്കുന്ന ഇന്ത്യ ചൈനയെപ്പോലെ മുന്നേറുകയാണ്. പകുതിയിലേറെയും യുവാക്കളുടെ സാന്നിധ്യം അവര്‍ക്കു മുതല്‍ക്കൂട്ടാണ്. ഇന്ത്യ ലോകത്തിനുമുന്നില്‍ വയ്ക്കുന്നതും അതിരുകളില്ലാത്ത ഈ മാനവശേഷിയാണ്. സൗരോര്‍ജത്തിന്റെ കാര്യം മാത്രമെടുത്താലും ഇന്ത്യയ്ക്കു വെല്ലുവിളികളില്ലാത്ത വളര്‍ച്ചയാണ്. ഇക്കാര്യങ്ങള്‍ അതീവഗൗരവത്തില്‍ ചൈന എടുത്തില്ലെങ്കില്‍ കാര്യങ്ങള്‍ കൈവിട്ടുപോകും”
(ഗ്ലോബല്‍ ടൈംസ്’ ലേഖനത്തില്‍ നിന്ന്)
ചൈനയിലെ പ്രധാന ബൗദ്ധിക സ്ഥാപനമായ ആന്‍ബൗണ്ടും ഇന്ത്യയുടെ സാമ്പത്തീക വളര്‍ച്ചയെപ്പറ്റി വിലയിരുത്തുന്നു. രരാജ്യത്തിന്റെ പുരോഗതിയുടെ കാര്യത്തില്‍ ഇന്ത്യ ചൈനയെ കോപ്പിയടിച്ചാല്‍ എന്തുണ്ടാകുമെന്നു പറയാനാകില്ല. പ്രധാനമന്ത്രി നരേന്ദ്ര മോദിയുടെ നേതൃത്വത്തില്‍ വ്യാപകമായി സൗരോര്‍ജ പാര്‍ക്കുകള്‍ നിര്‍മിക്കുകയാണ്. 100 ബില്യണ്‍ ഡോളര്‍ നിക്ഷേപമാണ് അടുത്ത അഞ്ചുവര്‍ഷത്തില്‍ ലക്ഷ്യമിടുന്നത്. സൗരോര്‍ജ വിപണിയില്‍ നിക്ഷേപക സൗഹൃദമായ വേറൊരു രാജ്യമില്ലെന്നതും മോദിയുടെ ഇന്ത്യയ്ക്കു ഗുണകരമാണ്. എന്തായാലും ഇനിയുള്ള കാലം ചൈന ഏറെ വിയര്‍പ്പൊഴുക്കേണ്ടി വരുമെന്നും റിപ്പോര്‍ട്ട് മുന്നറിയിപ്പ് നല്‍കുന്നു.
സാമ്പത്തീക വളര്‍ച്ചയില്‍ ചൈനയേക്കാള്‍ കൂടി നിരക്ക് ഇന്ത്യ രേഖപ്പെടുത്തിയിരുന്നു. മോദിയുടെ മെയ്ക് ഇന്‍ ഇന്ത്യ വഴി ഉത്പാദന മേഖലയിലും വലിയ കുതിച്ചുചാട്ടമാണ് ഇന്ത്യ നടത്തുന്നത്.
Discussion about this post