ഡല്‍ഹി: കഴിഞ്ഞ സെപ്തംബറില്‍ ഇന്ത്യന്‍ സൈന്യം നടത്തിയ മിന്നലാക്രമണത്തിന് ശേഷം അതിര്‍ത്തി കടന്നുള്ള നുഴഞ്ഞ് കയറ്റം കഴിഞ്ഞ ആറ് മാസത്തെ അപേക്ഷിച്ച് 45 ശതമാനം കുറഞ്ഞെന്ന് കേന്ദ്ര ആഭ്യന്ത്രരമന്ത്രി രാജ്‌നാഥ് സിംഗ്. മോദി സര്‍ക്കാരിന്റെ കഴിഞ്ഞ മൂന്ന് മാസത്തെ നേട്ടങ്ങള്‍ വിശദീകരിച്ച് കൊണ്ടുള്ള വാര്‍ത്താസമ്മേളനത്തില്‍ സംസാരിക്കുകയായിരുന്നു രാജ്‌നാഥ്.
മുസ്‌ലിം മതവിശ്വാസികള്‍ ഏറെയുള്ള രാജ്യമായിട്ട് പോലും ഇന്ത്യയില്‍ ഐ.എസ് തീവ്രവാദികള്‍ക്ക് കാലുറപ്പിക്കാന്‍ പറ്റാത്തത് സൈനിക സുരക്ഷയില്‍ വലിയ തോതിലുള്ള മുന്നേറ്റമുണ്ടായത് കൊണ്ടാണെന്നും അദ്ദേഹം പറഞ്ഞു.
ഐ.എസ് വെല്ലുവിളികള്‍ നേരിടുന്നതില്‍ നമ്മള്‍ വലിയ തോതില്‍ വിജയിച്ചിട്ടുണ്ട്. ഐ.എസ് ബന്ധമുണ്ടെന്ന് കണ്ടെത്തിയതിനെ തുടര്‍ന്ന് രാജ്യത്താകമാനം കഴിഞ്ഞ മൂന്ന് വര്‍ഷത്തിനിടെ 90 പേരെ അറസ്റ്റ് ചെയ്തിട്ടുണ്ട്. ഇരുപത്തിയഞ്ച് ശതമാനത്തോളം മാവോയിസ്റ്റ് അക്രമങ്ങളും കുറഞ്ഞ് വന്നിട്ടുണ്ടെന്നും മന്ത്രി പറഞ്ഞു.
Discussion about this post