‘ടിപി കേസ് ഒതുക്കി തീർത്തതിന് കോൺഗ്രസിന് കിട്ടിയ പ്രതിഫലമാണ് സോളാര്‍ കേസ്’, കോണ്‍ഗ്രസിന്‍റെ അഡ്ജസ്റ്റ്‌മെന്റ് രാഷ്ട്രീയം വെളിപ്പെടുത്തി വി ടി ബല്‍റാം

കൊച്ചി:  ടിപി ചന്ദ്രശേഖരൻ കൊലപാതകകേസ് ഒതുക്കി തീർത്തതിന് കോൺഗ്രസിന് കിട്ടിയ പ്രതിഫലം ആണ് സോളാര്‍ കേസെന്ന് വിടി ബൽറാം. ടിപി കേസ് കോൺഗ്രസ് നേതൃത്വം എന്നും വിടി ബൽറാം പറഞ്ഞു. ടിപി കേസിനു പിന്നിലെ ഗൂഡാലോചന അന്വേഷിക്കാതെ അഡ്ജസ്റ്റ്‌മെന്റ് രാഷ്ട്രീയത്തിന്റെ ഭാഗമായി കോൺഗ്രസ് അത് ഒതുക്കി തീർക്കുകയായിരുന്നു എന്നാണ് വിടി ബൽറാം ഫേസ്‌ബുക്കിൽ കുറിച്ചത്. സോളാർ കേസിൽ മുൻ മുഖ്യമന്ത്രി ഉമ്മൻചാണ്ടി അടക്കമുള്ളവർക്കെതിരായ കേസിനെ കുറിച്ച് പ്രതികരിക്കുകയായിരുന്നു അദ്ദേഹം. 

ടിപി കേസ് ഒതുക്കി തീർത്തതിന് കോൺഗ്രസിന് കിട്ടിയ പ്രതിഫലം ആണ് ഇപ്പോൾ ലഭിച്ച ഈ കേസ് എന്നായിരുന്നു ബൽറാം കുറിച്ചത്. ഇനിയെങ്കിലും അഡ്‌ജസ്റ്റ്‌മെന്റ്‌ രാഷ്ട്രീയം അവസാനിപ്പിച്ച്‌ തോമസ്‌ ചാണ്ടിയടക്കമുള്ള ഇപ്പോഴത്തെ കാട്ടുകള്ളൻ മന്ത്രിമാർക്കെതിരെ ശബ്ദമുയർത്താൻ കോൺഗ്രസ്‌ നേതാക്കന്മാർ തയ്യാറാകണം എന്നും അദ്ദേഹം ആവശ്യപ്പെട്ടു. 

സിപിഎമ്മിന്റെയും പിണറായി വിജയന്റേയും ഹീനമായ രാഷ്ട്രീയ വേട്ടയാടലാണ്‌ ഇനിയും പ്രസിദ്ധപ്പെടുത്താത്ത സോളാർ അന്വേഷണക്കമ്മീഷൻ റിപ്പോർട്ടിന്മേൽ കോൺഗ്രസ്‌ നേതാക്കൾക്കെതിരായ തിരക്കുപിടിച്ച നടപടികൾ. വിശ്വാസ്യതയുടെ തരിമ്പെങ്കിലും ഈ റിപ്പോർട്ടിനുണ്ടെന്ന് ഇപ്പോഴത്തെ സൂചനകൾ വെച്ച്‌ അനുമാനിക്കാൻ കഴിയുന്നതല്ല.

ഏതായാലും കോൺഗ്രസ്‌ നേതാക്കളെ സംബന്ധിച്ച്‌ ടിപി ചന്ദ്രശേഖരൻ കൊലപാതകത്തിന്റെ പുറകിലെ ഗൂഡാലോചനക്കേസ്‌ നേരാംവണ്ണം അന്വേഷിച്ച്‌ മുന്നോട്ടുകൊണ്ടുപോകാതെ ഇടക്കുവെച്ച്‌ ഒത്തുതീർപ്പുണ്ടാക്കിയതിന്‌ കിട്ടിയ പ്രതിഫലമായി കണക്കാക്കിയാൽ മതി. ഇനിയെങ്കിലും അഡ്‌ജസ്റ്റ്‌മെന്റ്‌ രാഷ്ട്രീയം അവസാനിപ്പിച്ച്‌ തോമസ്‌ ചാണ്ടിയടക്കമുള്ള ഇപ്പോഴത്തെ കാട്ടുകള്ളൻ മന്ത്രിമാർക്കെതിരെ ശബ്ദമുയർത്താൻ കോൺഗ്രസ്‌ നേതാക്കന്മാർ തയ്യാറാകണം.

[fb_pe url=”https://www.facebook.com/vtbalram/posts/10155263374004139?pnref=story” bottom=”30″]