തിരുവനന്തപുരം: മണ്ഡലകാലത്ത് ദേവസ്വം ബോര്‍ഡ് പിരിച്ചുവിടുന്നതില്‍ ആശങ്ക പ്രകടിപ്പിച്ച് ഹിന്ദുസംഘടനകള്‍. ദേവസ്വം ബോര്‍ഡ് അംഗങ്ങളുടെ കാലാവധി വെട്ടിക്കുറച്ചുകൊണ്ട് സര്‍ക്കാര്‍ ഇറക്കിയ ഓര്‍ഡിനന്‍സില്‍ ഗവര്‍ണര്‍ ജസ്റ്റീസ് പി.സദാശിവം ഒപ്പുവച്ചതിനു പിന്നാലെയാണ് ആശങ്ക രേഖപ്പെടുത്തി സംഘടനകള്‍ രംഗത്തെത്തിയത്. ണ്ഡലകാല തീര്‍ഥാടനത്തിന് ദിവസങ്ങള്‍ മാത്രം ബാക്കിനില്‍ക്കെ ബോര്‍ഡ് പിരിച്ചു വിട്ടാല്‍ അത് തീര്‍ഥാടനവുമായി ബന്ധപ്പെട്ട ഒരുക്കങ്ങളെയടക്കം ബാധിക്കുമെന്നും ഹിന്ദുസംഘടനകള്‍ ചൂണ്ടിക്കാട്ടി.
കഴിഞ്ഞ വെള്ളിയാഴ്ച പ്രത്യേക മന്ത്രിസഭാ യോഗം ഓര്‍ഡിനന്‍സ് അംഗീകരിച്ചതിനു പിന്നാലെ ഇത് നടപ്പാക്കരുതെന്നും ഗവര്‍ണര്‍ ഒപ്പിടരുതെന്നും കോണ്‍ഗ്രസും ബിജെപിയും ആവശ്യപ്പെട്ടിരുന്നു.
തന്റെ മുന്നിലെത്തിയ ഓര്‍ഡിനന്‍സിന്മേല്‍ വിശദീകരണം ആവശ്യപ്പെട്ട് ഗവര്‍ണര്‍ അത് മടക്കിയിരുന്നു. പിന്നീട് സര്‍ക്കാര്‍ ഇക്കാര്യത്തില്‍ നല്‍കിയ വിശദീകരണം പരിശോധിച്ച ശേഷമാണ് അദ്ദേഹം ഒപ്പുവച്ചത്.
പ്രതിപക്ഷ നേതാവ് രമേശ് ചെന്നിത്തലയും മണ്ഡലകാലം തീരുന്നതു വരെ ദേവസ്വം ബോര്‍ഡ് പിരിച്ചുവിടരുതെന്നാവശ്യപ്പെട്ട് രംഗത്തെത്തി.
Discussion about this post