കോട്ടയം: എന്‍ഐഎ മതപരിവര്‍ത്തനത്തിന് വിധേയയായ വൈക്കം സ്വദേശി അഖിലയുടെ വീണ്ടും മൊഴിയെടുത്തു. അഖിലയുടെ മാതാപിതാക്കളുടെയും മൊഴി രേഖപ്പെടുത്തി.
എന്‍ഐഎയുടെ കൊച്ചി യൂണിറ്റ് ഇന്നലെ വൈകുന്നേരം അഖിലയുടെ വീട്ടിലെത്തിയാണ് മൊഴിയെടുത്തത്.
ഈ മാസം 27ന് സുപ്രീംകോടതിയില്‍ റിപ്പോര്‍ട്ട് സമര്‍പ്പിക്കുന്നതിന് മുന്നോടിയായാണ് ചോദ്യം ചെയ്തത്. ഇത് രണ്ടാം തവണയാണ് അഖിലയുടെ മൊഴി എന്‍ഐഎ രേഖപ്പെടുത്തുന്നത്.
നവംബര്‍ 27ന് 3 മണിക്ക് മുമ്പ് അഖിലയെ ഹാജരാക്കണമെന്നാണ് അച്ഛനോട് സുപ്രീംകോടതി നിര്‍ദേശിച്ചിരിക്കുന്നത്.
തുറന്ന കോടതിയിലാണ് വാദം കേള്‍ക്കുന്നത്. അടച്ചിട്ട കോടതിയില്‍ വാദം കേള്‍ക്കണമെന്ന അഖിലയുടെ അച്ഛന്റെ ആവശ്യം കോടതി തള്ളിയിരുന്നു.
Discussion about this post