ഡല്ഹി: 2000 രൂപ നോട്ടുകള് പിന്വലിക്കാന് സാധ്യതയെന്ന് റിപ്പോര്ട്ട്. ഇത് സംബന്ധിച്ച് സ്റ്റേറ്റ് ബാങ്ക് ഓഫ് ഇന്ത്യ ആണ് റിപ്പോര്ട്ട് പുറത്തു വിട്ടത്. കറന്സി പിന്വലിച്ചില്ലെങ്കില് ഏറെ വര്ഷത്തേയ്ക്ക് അച്ചടി നിര്ത്തി വെയ്ക്കേണ്ടി വരുമെന്ന് റിപ്പോര്ട്ടില് പറയുന്നു. 2000, 500 രൂപയുടെ 13.3 ലക്ഷം കോടിയോളം നോട്ടുകള് വിപണിയിലുണ്ട്.
അതേസമയം, കുറഞ്ഞ മൂല്യമുള്ള നോട്ടുകള് വെറും 3.5 ലക്ഷം കോടി മാത്രമേ വിപണിയിലുള്ളൂ. ലോക്സഭയില് സമര്പ്പിച്ച കറന്സി കണക്കുകളുടെയും റിസര്വ് ബാങ്ക് റിപ്പോര്ട്ടില് പറയുന്ന കണക്കിന്റെയും അടിസ്ഥാനത്തിലാണ് ഇത്. കറന്സികള് തമ്മില് ഇത്തരത്തില് വലിയ അന്തരമുള്ളത് ഇടപാടുകളെ സാരമായി ബാധിക്കുമെന്ന് കണ്ടെത്തിയാണ് നടപടി.
ഡിസംബര് എട്ട് വരെ 500 രൂപയുടെ 16957 ദശലക്ഷം നോട്ടുകളും 2000 രൂപയുടെ 3654 ദശലക്ഷം നോട്ടുകളുമാണ് അച്ചടിച്ചിട്ടുള്ളത്. ഇതിന്റെ രണ്ടിന്റെയും ആകെ തുക 15.7 ലക്ഷം കോടി വരും. ഇതിനര്ത്ഥം 2.4 ലക്ഷം കോടി രൂപ മൂല്യമുള്ള 2000 രൂപ നോട്ട് അച്ചടിച്ച ശേഷം റിസര്വ് ബാങ്ക് പുറത്തു വിട്ടിട്ടില്ലെന്നാണ്. സ്റ്റേറ്റ് ബാങ്ക് ഓഫ് ഇന്ത്യ ചീഫ് എക്കണോമിസ്റ്റ് സൗമ്യകാന്ത് ഘോഷ് ആണ് റിപ്പോര്ട്ട് തയ്യാറാക്കിയിരിക്കുന്നത്.
Discussion about this post