ശ്രീനഗര്: കശ്മീരിലെ ഷോപിയാനില് ഉണ്ടായ ഏറ്റുമുട്ടലില് രണ്ട് ഭീകരരെ സൈന്യം വധിച്ചു. ഏറ്റുമുട്ടലിനിടെ ഗ്രാമവാസിയായ ഒരു കുട്ടി വെടിയേറ്റു മരിച്ചുവെന്നും രണ്ട് സ്ത്രീകള്ക്ക് പരിക്കേറ്റുവെന്നും ജമ്മു കശ്മീര് ഡിജിപി എസ്.പി വൈദ് അറിയിച്ചു.
ഷക്കീര് അഹമ്മദ് (17) എന്ന കുട്ടിയാണ് ഏറ്റുമുട്ടലിനിടെ വെടിയേറ്റു മരിച്ചതെന്ന് വാര്ത്താ ഏജന്സി റിപ്പോര്ട്ടു ചെയ്തു. ഷോപിയാന് ജില്ലയിലെ ദെയ്റോയിലുള്ള സായ്ഗുണ്ഡ് പ്രദേശത്താണ് ബുധനാഴ്ച സൈന്യവും ഭീകരരും തമ്മില് ഏറ്റുമുട്ടിയത്.
ഏറ്റുമുട്ടലില് കൊല്ലപ്പെട്ട ഭീകരരില്നിന്ന് ആയുധങ്ങള് സൈന്യം കണ്ടെടുത്തു. കൂടുതല് ഭീകരര് പ്രദേശത്ത് ഉണ്ടാകാമെന്ന നിഗമനത്തില് വ്യാപകമായ തിരച്ചില് തുടങ്ങിയിട്ടുണ്ട്.
Discussion about this post