മുംബൈ: അധോലോക കുറ്റവാളി ദാവൂദ് ഇബ്രാഹിമിന്റെ സഹായി ഛോട്ടാ ഷക്കീലിന്റെ ഹിറ്റ്‌ലിസ്റ്റില്‍ വിച്ചപി നേതാവും ബോളിവുഡ് സംവിധായകരും രാഷ്ട്രീയ നേതാക്കളും ഉള്‍പ്പെട്ടതായി റിപ്പോര്‍ട്ട്. ഡല്‍ഹി പോലീസ് സ്‌പെഷല്‍ സെല്‍ ഡല്‍ഹി കോടതിയില്‍ സമര്‍പ്പിച്ച കുറ്റപത്രത്തിലാണ് ഇതു സംബന്ധിച്ച് ഗൗരവകരമായ വെളിപ്പെടുത്തലുകള്‍.
പാക്കിസ്ഥാന്‍ വംശജനായ കനേഡിയന്‍ എഴുത്തുകാരന്‍ തരേഖ് ഫത്താഹ് യ്ക്കു നേരെയുണ്ടായ വധശ്രമക്കേസിലാണ് പോലീസ് കുറ്റപത്രം സമര്‍പ്പിച്ചത്. സ്ഥിരമായി ഇന്ത്യ സന്ദര്‍ശിക്കുന്ന ഫത്തായയ്ക്കു നേരെയുണ്ടായ ആക്രമണത്തില്‍ ഛോട്ടാ ഷക്കീലിന്റെ അനുയായികളായ മൂന്നു പേര്‍ അറസ്റ്റിലായിരുന്നു. ഇസ്ലാമിക തീവ്രവാദികള്‍ക്കും മതമൗലികവാദികള്‍ക്കും എതിരായി ശക്തമായ പ്രതികരിക്കുന്നഎഴുത്തുകാരനാണ് താരിഖ് ഫത്താഹ്. വിശ്വഹിന്ദു പരിഷത് നേതാവ് റോബിന്‍ ശര്‍മ, ബോളിവുഡ് സംവിധായകന്‍ വിശാല്‍ മിശ്ര, ബോളിവുഡ് നിര്‍മാതാവ് വിനോദ് രമണി എന്നിവരാണ് ഛോട്ടാ ഷക്കീലിന്റെ ഹിറ്റ്‌ലിസ്റ്റില്‍ ഉള്‍പ്പെട്ടിരുന്നത്. ബോളിവുഡ് ചിത്രം കോഫി വിത്ത് ഡിയില്‍ ദാവൂദിന്റെ പ്രതിഛായ മോശമാക്കുന്ന രീതിയില്‍ ചിത്രീകരിച്ചതാണ് ദാവൂദിനെ പ്രകോപിപ്പിച്ചത്.
ഇവരെ അപായപ്പെടുത്തുന്നതിനായി ദുബായിയില്‍നിന്ന് ഹവാല ഇടപാടിലൂടെ ഡല്‍ഹിയിലെ വാടകക്കൊലയാളികള്‍ക്കു പണമെത്തിച്ചിരുന്നതായി കുറ്റപത്രത്തിലുണ്ട്. വാടകക്കൊലയാളികള്‍ അറസ്റ്റിലായതോടെയാണ് ഷക്കീലിന്റെ പദ്ധതി പൊളിഞ്ഞത്.
Discussion about this post