ഡല്ഹി: പോപ്പുലര് ഫ്രണ്ടിനെ നിരോധിക്കണമെന്ന് കേരളസര്ക്കാര് കേന്ദ്രസര്ക്കാരിനോട് ആവശ്യപ്പെട്ടു ആഭ്യന്തര സഹമന്ത്രി കിരണ് റിജിജുവാണ് ഇക്കാര്യം സ്ഥിരീകരിച്ചത്. പോപ്പുലര് ഫ്രണ്ടിന്റെ പ്രവര്ത്തനങ്ങള് കേന്ദ്ര ആഭ്യന്തരമന്ത്രാലയം നിരീക്,ിച്ചുവരികയാണെന്നും കേന്ദ്ര സഹമന്ത്രിയെ ഉദ്ധരിച്ച് ‘ദി ഹിന്ദു’ റിപ്പോര്ട്ട് ചെയ്യുന്നു. സംഘടനയ്ക്കെതിരെ എ്ന്ഫോഴ്സ്മെന്റ് ഡയറക്ടറേറ്റും അന്വേഷണം നടത്തുന്നുണ്ട്.
ജനുവരിയില് മധ്യപ്രദേശില് നടന്ന ഡിജിപിമാരുടെ യോഗത്തില് പോപ്പുലര് ഫ്രണ്ട് നിരോധിക്കണമെന്ന വിഷയം ചര്ച്ചയായിരുന്നു. കേരളത്തില് പോപ്പുലര്ഫ്രണ്ടിന്റെ വളര്ച്ചയും പ്രവര്ത്തനങ്ങളും സംബന്ധിച്ച് ഡിജിപി ലോക്നാഥ് ബെഹ്റ വിശദമായ അവതരണം തന്നെ നടത്തി. പ്രധാനമന്ത്രി നരേന്ദ്ര മോദി, ആഭ്യന്തരമന്ത്രി രാജ്നാഥ് സിംഗ്, മുതിര്ന്ന സുരക്ഷാ ഉദ്യോഗസ്ഥര് തുടങ്ങിയവരുടെ സാന്നിധ്യത്തിലായിരുന്നു ബെഹ്റയുടെ അവതരണം.
ഈ യോഗത്തില് പോപ്പുലര് ഫ്രണ്ടിനെ നിരോധിക്കാന് കേരളം സമ്മര്ദ്ദം ചെലുത്തിയെന്നും ഇത് കേന്ദ്രത്തിന്റെ പരിഗണനയിലാണെന്നും റിജിജു അറിയിച്ചു. പോപ്പുലര്ഫ്രണ്ട് പ്രവര്ത്തകര് ഉള്പ്പെട്ട കേസുകളും ക്രിമിനല് പ്രവര്ത്തനങ്ങളും ബെഹ്റ യോഗത്തില് വിശദീകരിച്ചു. സംഘടയുടെ പ്രവര്ത്തനങ്ങള് സംബന്ധിച്ച് കേന്ദ്ര ആഭ്യന്തരമന്ത്രാലയം കൂടുതല് വിവരങ്ങള് ശേഖരിച്ചുവരിയാണെന്ന് ആഭ്യന്തര മന്ത്രാലയ ഉദ്യോഗസ്ഥന് വ്യക്തമാക്കി.
പോപ്പുലര്ഫ്രണ്ടിനെതിരേ കള്ളപ്പണം വെളുപ്പിക്കലില് അന്വേഷണം നടത്താന് എന്ഫോഴ്സ്മെന്റ് ഡയറക്ടറേറ്റ് തീരുമാനിച്ചിട്ടുണ്ട്.
വിഷയത്തില് ലോക്നാഥ് ബഹ്റയുടെ ഔദ്യോഗിക വിശദീകരണം ലഭിച്ചിട്ടില്ല.
Discussion about this post