കുംഭകോണം: അടുത്ത തെരഞ്ഞെടുപ്പില്‍ കോണ്‍ഗ്രസ് അധികാരത്തില്‍ വരുമെന്ന് പാര്‍ട്ടി നേതാവ് മണിശങ്കര്‍ അയ്യര്‍.രാഹുല്‍ ഗാന്ധി പ്രധാനമന്ത്രിയാകുമെന്നും അദ്ദേഹം വ്യക്തമാക്കി. സ്യൂട്ട്ബൂട്ട് സര്‍ക്കാര്‍ എന്ന് രാഹുല്‍ വിശേഷിപ്പിച്ച മോഡി സര്‍ക്കാര്‍ സമ്പന്നര്‍ക്ക് വേണ്ടിയുള്ളതാണെന്നും മുന്‍ കേന്ദ്ര മന്ത്രി കൂടിയായ മണിശങ്കര്‍ പറഞ്ഞു.
മത്സ്യബന്ധന തൊഴിലാളികളുടെ സമുദ്രാതിര്‍ത്തി ലംഘന വിഷയം ദേശീയ പ്രശ്‌നമാണ്. ഇത് ശ്രീലങ്കയുമായി സംസാരിച്ച് പരിഹരിക്കണമെന്നും മണിശങ്കര്‍ ആവശ്യപ്പെട്ടു. വിഷയം ചര്‍ച്ചകളിലൂടെ പരിഹരിക്കുമെന്ന് വിദേശകാര്യമന്ത്രി സുഷമാ സ്വരാജ് പറഞ്ഞിരുന്നെങ്കിലും ഇതുവരെ നടപടി ഒന്നും ഉണ്ടായിട്ടില്ല.
Discussion about this post