”ഉത്തമപുരുഷന്‍ പിണറായി വിജയന്‍” ലീഗയുടേയും, ശ്രീജിത്തിന്റെയും വീട്ടുകാരെ കാണാത്ത മുഖ്യമന്ത്രിയെ പരിഹസിച്ച് മാധ്യമപ്രവര്‍ത്തകന്‍

ലിത്വാനിയ സ്വദേശി ലിഗയുടെ സഹോദരിയെ കാണാനും, വരാപ്പുഴയില്‍ കസ്റ്റഡി മരണത്തിനിരയായ ശ്രീജിത്തിന്റെ വീട് സന്ദര്‍ശിക്കാനും സമയം കണ്ടെത്താത്ത മുഖ്യമന്ത്രി പിണറായി വിജയനെ പരിഹസിച്ച് മാധ്യമപ്രവര്‍ത്തകന്റെ ഫേസ്ബുക്ക് പോസ്റ്റ്. 

 നേരവും മനസുമുണ്ടായില്ല. നിസ്സഹായയായ ആ സ്ത്രീ പിണറായി വിജയനെ കാണാന്‍ മൂന്ന് മണിക്കൂര്‍ നിയമസഭയ്ക്കു വെളിയില്‍ കാത്തു നിന്നു. അദ്ദേഹം അവര്‍ക്ക് മുന്നിലൂടെ ലൈറ്റിട്ട് പറന്നു പോയി.പിണറായിയുടെ പോലീസ് വരാപ്പുഴയില്‍ ശ്രീജിത്ത് എന്നൊരു ചെറുപ്പക്കാരനെ ഇടിച്ചു കൊന്നു. ആ വീട്ടില്‍ ആ യുവാവിന്റെ മാതാപിതാക്കളും വിധവയായ ഭാര്യയും മൂന്ന് വയസുള്ള കുഞ്ഞുമുണ്ട്.അവരെയൊന്നും കാണാന്‍ നേരവുമില്ല – മനസുമില്ല – എന്നിങ്ങനെയാണ് റോയ് മാത്യുവിന്റെ വിമര്‍ശനം. 

 കേരള കൗമുദി പത്രാധിപരമായ എം എസ് രവിയുടെ നിര്യാണത്തില്‍ അദ്ദേഹത്തിന്റെ വീട്ടുകാരെ ആശ്വസിപ്പിക്കാന്‍ ഭാര്യാ സമേതം എത്തിയചിത്രം സഹിതമാണ് ഫേസ്ബുക്ക് പോസ്റ്റ്.

ഓഖി ദുരന്തമുണ്ടായപ്പോള്‍ നാല് ദിവസം കടപ്പുറത്തേക്ക് തിരിഞ്ഞു നോക്കാതിരുന്ന അദ്ദേഹം അഞ്ചാം ദിവസം രാവിലെ ഗോകുലം ഗോപാലന്റെ അച്ഛന്റെ മൃതദേഹം കാണാന്‍ ഭാര്യാ സമേതം ആശുപത്രിയിലെത്തി – അന്ന് വൈകുന്നേരം ബാര്‍ മൊതലാളി ബിജു രമേശിന്റെ മകളുടെ വിവാഹ സല്‍ക്കാരത്തിലും പങ്കെടുത്ത് മൊതലാളിമാ രോടുള്ള തന്റെ നന്ദിയും കടപ്പാടും പ്രകടിപ്പിച്ച് മലയാളികള്‍ക്ക് മാതൃക കാണിച്ചു എന്നും റോയ് കളിയാക്കുന്നു.

പോസ്റ്റിന്റെ പൂര്‍ണരൂപം

ഉത്തമപുരുഷന്‍ പിണറായി വിജയന്‍.

നമ്മുടെ മുഖ്യമന്ത്രിക്ക് കോവളത്ത് ദുരു ഹമായ സാഹചര്യത്തില്‍ മരിച്ച ലിത്വാനിയക്കാരി ലിഗയുടെ സഹോദരിയെ കാണാന്‍ നേരവും മനസുമുണ്ടായില്ല. നിസ്സഹായയായ ആ സ്ത്രീ പിണറായി വിജയനെ കാണാന്‍ മൂന്ന് മണിക്കൂര്‍ നിയമസഭയ്ക്കു വെളിയില്‍ കാത്തു നിന്നു. അദ്ദേഹം അവര്‍ക്ക് മുന്നിലൂടെ ലൈറ്റിട്ട് പറന്നു പോയി

പിണറായിയുടെ പോലീസ് വരാപ്പുഴയില്‍ ശ്രീജിത്ത് എന്നൊരു ചെറുപ്പക്കാരനെ ഇടിച്ചു കൊന്നു. ആ വീട്ടില്‍ ആ യുവാവിന്റെ മാതാപിതാക്കളും വിധവയായ ഭാര്യയും മൂന്ന് വയസുള്ള കുഞ്ഞുമുണ്ട്.

അവരെയൊന്നും കാണാന്‍ നേരവുമില്ല – മനസുമില്ല –

ഏതായാലും പണക്കാരനും കേരള കൗമുദി പത്രാധിപരമായ എം എസ് രവിയുടെ നിര്യാണത്തില്‍ അദ്ദേഹത്തിന്റെ വീട്ടുകാരെ ആശ്വസിപ്പിക്കാന്‍ ഭാര്യാ സമേതം എത്തിയതില്‍ അഗാധമായ കൃതജ്ഞത മലയാളികള്‍ക്കു വേണ്ടി രേഖപ്പെടുത്തുന്നു.

ഓഖി ദുരന്തമുണ്ടായപ്പോള്‍ നാല് ദിവസം കടപ്പുറത്തേക്ക് തിരിഞ്ഞു നോക്കാതിരുന്ന അദ്ദേഹം 

അഞ്ചാം ദിവസം രാവിലെ ഗോകുലം ഗോപാലന്റെ അച്ഛന്റെ മൃതദേഹം കാണാന്‍ ഭാര്യാ സമേതം ആശുപത്രിയിലെത്തി – അന്ന് വൈകുന്നേരം ബാര്‍ മൊതലാളി ബിജു രമേശിന്റെ മകളുടെ വിവാഹ സല്‍ക്കാരത്തിലും പങ്കെടുത്ത് മൊതലാളിമാ രോടുള്ള തന്റെ നന്ദിയും കടപ്പാടും പ്രകടിപ്പിച്ച് മലയാളികള്‍ക്ക് മാതൃക കാണിച്ചു.

https://www.facebook.com/photo.php?fbid=10216063691487562&set=a.10203369749946957.1073741827.1307644398&type=3&theater