തിരുവനന്തപുരം: കോവളത്ത് കൊലചെയ്യപ്പെട്ട വിദേശ വനിത ലിഗയുടെ പേരില്‍ പണത്തട്ടിപ്പ് നടത്തിയെന്ന ആരോപണത്തില്‍ അശ്വതി ജ്വാലയോട് മൊഴി നല്‍കാന്‍ ഇന്ന് ഹാജരാകേണ്ടതില്ലെന്ന് പൊലീസ്. നോട്ടീസ് കിട്ടിയ ശേഷം മാത്രം ഹാജരായാല്‍ മതിയെന്ന് പൊലീസ് അറിയിച്ചു. അതേസമയം ഒരു നല്ല കാര്യം ചെയ്ത തന്നെ വേട്ടയാടുകയാണെന്ന് അശ്വതി ജ്വാല പറഞ്ഞു.
ലിഗയുടെ കുടുംബത്തെ സഹായിക്കാനാണെന്ന് കാണിച്ച് അശ്വതി ജ്വാല പണപ്പിരിവ് നടത്തി എന്ന് ഡിജിപിക്ക് പരാതി ലഭിച്ചിരുന്നു. തുടര്‍ന്നാണ് നിജസ്ഥിതി അന്വേഷിക്കാന്‍ ഐജി മനോജ് എബ്രഹാമിനെ ചുമതലപ്പെടുത്തിയത്. അതേസമയം കേസെടുത്തിട്ടില്ലെന്നും പൊലീസ് വ്യക്തമാക്കിയിരുന്നു.എന്നാല്‍ തന്നെ വേട്ടയാടുകയാണെന്നും പൊലീസിനും സര്‍ക്കാറിനുമെതിരെ സംസാരിച്ചതിന് പ്രതികാര നടപടികളാണ് നടത്തുന്നതെന്നും അശ്വതി പറഞ്ഞിരുന്നു.
Discussion about this post