കണ്ണൂര്: സി പി എം നേതാവും എം എല് എയുമായ ഇ പി ജയരാജന്റെ മകന് അനതികൃതമായി കുന്നിടിച്ച് റിസോര്ട്ട് നിര്മിക്കുന്നതിനെപ്പറ്റി പരാതി.
ആന്തൂര് നഗരസഭയില് മൊറാഴക്ക് സമീപം പത്തേക്കറോളം വരുന്ന കുന്നിടിച്ചാണ് ഇ പി ജയരാജന്റെ മകന് ജയ്സണ് ഡയറക്ടര് ബോര്ഡ് അംഗമായ സ്വകാര്യ കമ്പനി ആയുര്വേദ റിസോര്ട്ടും ആശുപത്രിയും പണിയുന്നത്. മൂന്നു കോടി രൂപ മുതല്മുടക്കില് കണ്ണൂര് ആയുര്വേദിക് മെഡിക്കല് കെയര് പ്രൈവറ്റ് ലിമിറ്റഡ് എന്ന കമ്പനിയുടെ പേരിലാണ് റിസോര്ട്ട് നിര്മാണം.
1000രൂപയുടെ 2500 ഷെയറുകള് ഉള്പ്പെടെ 25 ലക്ഷംരൂപയുടെ ഷെയറാണ് ജയരാജന്റെ മകനുള്ളത്. കണ്ണൂരിലെ പ്രമുഖവ്യവസായി കൂടിയായ കാദിരി ഗ്രൂപ്പും കേന്ദ്രകമ്മിറ്റി അംഗത്തിന്റെ മകന് പങ്കാളിയായ.കമ്പനിയുടെ ഡയറക്ടര്മാരിലൊരാളാണ്. നിലവില് വന് വ്യവസായികളടക്കം ഏഴുപേരാണ് കമ്പനി ഡയറക്ടര്മാര്. 2016 ഒക്ടോബര് 27നാണ് പ്രതിപക്ഷം പോലുമില്ലാത്ത ആന്തൂര് നഗരസഭ ബില്ഡിങ് പെര്മിറ്റിന് അനുമതി നല്കുന്നത്. ആന്തൂര് നഗരസഭ രൂപീകരിച്ച് ഒരാഴ്ചക്കകമാണ് റിസോര്ട്ട് നിര്മ്മാണത്തിനുള്ള അനുമതി നേടുന്നത്.
ഉടുപ്പ് കുന്നിനെ പൂര്ണമായും ഇല്ലാതാക്കിക്കൊണ്ടുള്ള നിര്മാണ പ്രവര്ത്തനത്തിലെ പാരിസ്ഥിതികാഘാതം പഠിക്കണമെന്ന് പരിഷത്ത് പരാതി നല്കിയിരുന്നു.
കുടിവെള്ളക്ഷാമം രൂക്ഷമായ പ്രദേശത്ത് രണ്ട് വന് കിണറുകളും രണ്ട് കുഴല്ക്കിണറുകളും റിസോര്ട്ടിന്റെ ഭാഗമായി നിര്മ്മിക്കുന്നുണ്ടെന്നും പരിഷത്ത് കളക്ടര്ക്ക് നല്കിയ പരാതിയില് പറയുന്നു. പരാതിയുടെ അടിസ്ഥാനത്തില് കളക്ടര് തളിപ്പറമ്പ് തഹസില്ദാരോട് റിപ്പോര്ട്ട് ആവശ്യപ്പെടുകയും റിപ്പോര്ട്ടിന്റെ പശ്ചാത്തലത്തില് പാരിസ്ഥിതികാഘാതം പഠിക്കാന് ജിയോളജി വകുപ്പിനെ ഏല്പ്പിച്ചിട്ടുമുണ്ട്.
Discussion about this post