രാജ്യത്തെ പുരോഗതിയുടെ പാതയിലൂടെ നയിക്കുന്നവരില് ഒരു കൂട്ടരാണ് വ്യവസായികളെന്നും അവര്ക്കൊപ്പം നില്ക്കുന്നതില് തനിക്ക് യാതൊരു ഭയവുമില്ലായെന്നും പ്രധാനമന്ത്രി നരേന്ദ്ര മോദി പറഞ്ഞു. റാഫേല് ഇടപാടില് കോഴ കാണിച്ചുവെന്ന ആരോപണം മോദി സര്ക്കാരിനെതിരെ നിലനില്ക്കുമ്പോഴുള്ള ഈ പ്രതികരണം അതിന് പരോക്ഷമായ മറുപടി എന്ന് വേണം കരുതാന്. രാജ്യത്തിന്റെ പുരോഗതിക്ക് വേണ്ടി നിലനികൊള്ളുന്ന വ്യവസായികളെ എന്തിനാണ് നിന്ദിക്കുന്നതെന്നും എന്തിനാണ് അവരെ കള്ളന്മാരെന്ന് വിളിക്കുന്നതെന്നും അദ്ദേഹം ചോദിച്ചു. ഉത്തര് പ്രദേശില് 60,000 കോടി രൂപയ്ക്കുള്ള 81 നിക്ഷേപ പദ്ധതികള് പ്രഖ്യാപിച്ചുകൊണ്ടുള്ള ചടങ്ങില് സംസാരിക്കുകയായിരുന്നു മോദി.
വിമാനം നിര്മ്മിച്ച് പരിചയമില്ലാത്ത വ്യവസായി റാഫേല് ഇടപാടില് പങ്കാളിയാക്കിയെന്നായിരുന്നു പ്രതിപക്ഷ നേതാവ് രാഹുല് ഗാന്ധിയുടെ ആരോപണം. ഇതിനുള്ള മറുപടി അനില് അംബാനി കത്തിലൂടെ അയച്ചിരുന്നു.
അതേസമയം രാജ്യത്ത് വ്യവസായങ്ങള് ആരംഭിക്കാന് ഏറ്റവും എളുപ്പമുള്ള അഞ്ച് സംസ്ഥാനങ്ങളുടെ പട്ടികയില് ഉത്തര് പ്രദേശുമുണ്ടെന്ന് ഉത്തര് പ്രദേശ് മുഖ്യമന്ത്രി യോഗി ആദിത്യനാഥ് അവകാശപ്പെട്ടു.
Discussion about this post