രാജ്യത്തെ ജനസംഖ്യ നിയന്ത്രിക്കാന്‍ നടപടിയെടുക്കണമെന്ന് ബി.ജെ.പി എം.പിമാര്‍ രാജ്യസഭയില്‍ അറിയിച്ചു. അനിയന്ത്രിതമായ ജനസംഖ്യാ വര്‍ധനവ് വികസന പ്രവര്‍ത്തനങ്ങളെ ബാധിക്കുമെന്ന് ബി.ജെ.പി എം.പി അശോക് വാജ്‌പേയി രാജ്യസഭയില്‍ പറഞ്ഞു. ഇന്ത്യ ജനസംഖ്യയുടെ കാര്യത്തില്‍ ചൈനയെ 2020ഓടെ മറികടക്കുമെന്നാണ് വിദഗ്ദ്ധര്‍ പറയുന്നു. 2050 ആകുന്നതോടെ ജനസംഖ്യ 166 കോടിയിലെത്തുമെന്നും ഇതിനെതിരെ ഏതെങ്കിലും തരത്തില്‍ നടപടി സ്വീകരിച്ചേ മതിയാകൂ എന്നും അദ്ദേഹം പറഞ്ഞു. ശൂന്യവേളയില്‍ സംസാരിക്കുകയായിരുന്നു അദ്ദേഹം.
1947ല്‍ ഇന്ത്യയില്‍ 35 കോടി ജനങ്ങളായിരുന്നു ഉണ്ടായിരുന്നത്. ഇപ്പോള്‍ 135 കോടി ജനങ്ങള്‍ ഇന്ത്യയില്‍ താമസിക്കുന്നുണ്ടെന്ന് ബി.ജെ.പി എം.പി വിജയ്പാല്‍ സിംഗ് തോമര്‍ പറഞ്ഞു. ലോക ജനസംഖ്യയുടെ 17.5 ശതമാനമാണ് ഇന്ത്യയിലുള്ളത്. എന്നാല്‍ ലോകത്തെ ഭൂവിസ്തൃതിയുടെ 2.4 ശതമാനം മാത്രമാണ് ഇന്ത്യയ്ക്കുള്ളത്. കൂടാതെ ദൈവങ്ങളുടെ പേരുകളായ “ഭഗവാന്‍”, “അള്ളാ” തുടങ്ങിയ പേരുകളാണ് ഇന്ത്യയില്‍ ജനിക്കുന്ന കുഞ്ഞുങ്ങള്‍ക്കുള്ളതെന്നും അദ്ദേഹം പറഞ്ഞു.
Discussion about this post