‘വിദേശയാത്രയുടെ കാര്യം മുഖ്യമന്ത്രിയെ അറിയിച്ചിരുന്നു’ ന്യായീകരണവുമായി ജര്‍മ്മനിയില്‍ നിന്ന് തിരിച്ചുവിളിച്ച മന്ത്രി കെ രാജു

തിരുവനന്തപുരം ; പ്രണയക്കെടുതിക്കിടെ വിവാദമായ ജര്‍മനി സന്ദര്‍ശനത്തിനു ശേഷം മന്ത്രി കെ.രാജു കേരളത്തില്‍ തിരിച്ചെത്തി. യാത്ര പാര്‍ട്ടിയുടെ അനുമതിയോടെയായിരുന്നുവെന്ന് നാട്ടിലെത്തിയ മന്ത്രി പറഞ്ഞു. യാത്രയെക്കുറിച്ചുള്ള വിവരങ്ങള്‍ എല്ലാവരെയും അറിയിച്ചിരുന്നു. മുഖ്യമന്ത്രിയേയും അറിയിച്ചു. നിയമപരമായുള്ള അനുമതി വാങ്ങിയിരുന്നു. മൂന്നു മാസം മുന്‍പ് നിശ്ചയിച്ച പരിപാടിയാണ്. താന്‍ തെറ്റ് ചെയ്തിട്ടില്ലെന്നും മന്ത്രി മാധ്യമങ്ങളോടു പറഞ്ഞു

ഓഗസ്റ്റ് 16-നായിരുന്നു ജര്‍മനി യാത്ര. 22 വരെ നിശ്ചയിച്ചിരുന്ന വിദേശ സന്ദര്‍ശനം വെട്ടിച്ചുരുക്കിയാണു ഇപ്പോള്‍ മന്ത്രി തിരികെയെത്തിയത്. വിദേശയാത്ര വെട്ടിച്ചുരുക്കി തിരിച്ചെത്താന്‍ മുഖ്യമന്ത്രിയുടെ ഓഫിസ് മന്ത്രിയോടു ആവശ്യപ്പെട്ടിരുന്നു. സിപിഐ മന്ത്രിയുടെ വിദേശയാത്രയില്‍ സംസ്ഥാന സെക്രട്ടറി കാനം രാജേന്ദ്രനും അതൃപ്തി പ്രകടിപ്പിച്ചിരുന്നു.