പാട്‌ന: ബീഹാറില്‍ വരുന്ന ലോക്‌സഭാ തെരഞ്ഞെടുപ്പില്‍ ബി.ജെ.പിയുമായി സീറ്റ് പങ്കിടുന്നതില്‍ ധാരണയായെന്ന് ജനതാദള്‍ യുണൈറ്റഡ് നേതാവ് നിതീഷ് കുമാര്‍.17 സീറ്റുകള്‍ വീതം ബി.ജെ.പിക്കും ജെ.ഡി.യു വിനും ആറ് സീറ്റ് രാം വിലാസ് പസ്വാനും നല്‍കുമെന്ന് നിതീഷ് കുമാര്‍ അറിയിച്ചു.
നേരത്തെ ബി.ജെ.പി തയാറാക്കിയിരുന്ന കരട് പട്ടിക അനുസരിച്ച് 20 സീറ്റുകള്‍ പാര്‍ട്ടിക്കും 12 സീറ്റുകള്‍ ജെ.ഡി.യുവിനും രാം വിലാസ് പാസ്വാന് ആറും ഉപേന്ദ്ര കുശ്വക്ക് രണ്ടും സീറ്റുകളായിരുന്നു നീക്കിവെച്ചിരുന്നത്. എന്നാല്‍ ഇത് സ്വീകാര്യമല്ലെന്ന് ജെ.ഡി.യു അറിയിച്ചിരുന്നു.തെരഞ്ഞെടുപ്പില്‍ സീറ്റ് പങ്കുവെക്കുന്നതുമായി ബന്ധപ്പെട്ട് ബി.ജെ.പിയുമായി മാന്യമായ ധാരണയിലെത്തിയിട്ടുണ്ട്. ഔദ്യോഗിക പ്രഖ്യാപനം പിന്നീട് ഉണ്ടാകും നിതീഷ് കുമാര്‍ പറഞ്ഞു.അതേസമയം, ഉപേന്ദ്ര കുശ്വ സംഖ്യത്തില്‍ നിന്ന് പിരിയുകയാണെന്ന് സൂചനകളും പുറത്തു വരുന്നുണ്ട്.
Discussion about this post