കണ്ണൂര് : കണ്ണൂര് അന്താരാഷ്ട്ര വിമാനത്താവളം ഡിസംബര് ഒന്പതിന് ഉദ്ഘാടനം ചെയ്യും. വിമാനത്താവളത്തിനുളള ഏറോഡ്രാം ലൈസന്സ് വ്യാഴാഴ്ച ഡിജിസിഎ അനുവദിച്ചിരുന്നു. ഇതേ തുടര്ന്നാണ് ഉദ്ഘാടന തീയതി നിശ്ചയിച്ചത്. 3,050 മീറ്റര് റണ്വെയാണ് ഇപ്പോഴുളളത്. അത് 4,000 മീറ്ററായി നീട്ടാന് നടപടികള് ആരംഭിച്ചിട്ടുണ്ട്. 2,300 ഏക്കറിലാണ് മികച്ച ആധുനിക സൗകര്യങ്ങളോടെ വിമാനത്താവളം ഒരുക്കിയിട്ടുളളത്. യാത്രക്കാര്ക്കുള്ള ടെര്മിനല് ബില്ഡിംഗിന്റെ വിസ്തീര്ണ്ണം 97,000 ചതുരശ്രമീറ്ററാണ്.
ബോയിംഗ് 777 പോലുളള വലിയ വിമാനങ്ങള് ഇറങ്ങുന്നതിനുളള എല്ലാ സജ്ജീകരണങ്ങളും വിമാനത്താവളത്തിലുണ്ട്. 20 വിമാനങ്ങള്ക്ക് ഒരേ സമയം പാര്ക്ക് ചെയ്യാം. ഹനപാര്ക്കിംഗിന് വിശാലമായ സൗകര്യമുണ്ട്. 700 കാറുകളും 200 ടാക്സികളും 25 ബസ്സുകളും ഒരേ സമയം പാര്ക്ക് ചെയ്യാം.
6 ഏറോ ബ്രിഡ്ജുകളാണ് ഇപ്പോള് പൂര്ത്തിയായിട്ടുളളത്.
Discussion about this post