കേരളത്തിന്റെ ദുരിതാശ്വാസത്തിന് വേണ്ടി വിദേശ രാജ്യങ്ങളില് ചെന്ന് ധനസമാഹരണം നടത്താനുള്ള കേരളത്തില് നിന്നുള്ള മന്ത്രിമാരുടെ വിദേശയാത്രയ്ക്ക് കേന്ദ്രത്തിന്റെ പിടുത്തം. മുഖ്യമന്ത്രിയും 17 മന്ത്രിമാരും പണപിരിവിനായി വിദേശത്തേക്ക് പോവാനാണ് തീരുമാനിച്ചിരുന്നത്. എന്നാല് മുഖ്യമന്ത്രിയുടെ ദുബായ് യാത്രയ്ക്കാ് മാത്രമാണ് കേന്ദ്രം അനുമതി നല്കിയത്. കര്ശന നിബന്ധനയോടെയാണ് ഈ അനുമതി. മന്ത്രിമാരുടെ യാത്രയെ കുറിച്ച് കേന്ദ്രം ഇനിയും നിലപാട് വ്യക്തമാക്കിയിട്ടില്ല.
ഒക്ടോബര് 18 മുതലാണ് പിണറായി വിജയനും മറ്റ് 17 മന്ത്രിമാരും വിദേശയാത്ര പോകാന് തീരുമാനിച്ചിരിക്കുന്നത്. ഡോ. തോമസ് ഐസകിന്റെ അമേരിക്കന് യാത്രയടക്കമുള്ള പ്രഖ്യാപനങ്ങള് മുഖ്യമന്ത്രി നേരത്തെ നടത്തിയിരുന്നു. വിദേശരാജ്യങ്ങളുടെ ഫണ്ട് സ്വീകരിക്കേണ്ടെന്ന് കേന്ദ്രസര്ക്കാര് നേരത്തെ തീരുമാനിച്ചിരുന്നു. മന്ത്രിമാര് കൂട്ടത്തോടെ വിദേശയാത്ര നടത്തുന്നതിനോട് ബിജെപി ഉള്പ്പടെയുള്ള കക്ഷികള്ക്ക് എതിര്പ്പുണ്ട്. ധനസമാഹരണം സംബന്ധിച്ച് സുതാര്യതയില്ലെന്നാണ് പ്രതിപക്ഷ ആരോപണം. മന്ത്രിമാരെല്ലാവരും ഇങ്ങനെ പണപിരിവിനായി മറ്റ് രാജ്യങ്ങളിലേക്ക് പോകുന്നത് അപമാനകരമാണെന്ന് ബിജെപി അധ്യക്ഷന് പി.എസ് ശ്രീധരന് പിള്ള പ്രതികരിച്ചു.
കേരളത്തിന് ലഭിക്കാവുന്ന വായ്പാ പരിധി ഉയര്ത്തുന്നതില് അനിശ്ചിതത്വം നിലനില്ക്കുന്നുണ്ട്. അതേസമയം ലോകബാങ്ക്, എ.ഡി.ബി എന്നിവയില് നിന്നും ലഭിച്ചേക്കാവുന്ന വായ്പയുടെ കാര്യത്തിലും അനിശ്ചിതത്വം നിലനില്ക്കുന്നുണ്ട്.
Discussion about this post