എയര്‍സെല്‍ മാക്‌സിസ് കേസില്‍ ഒന്നാം പ്രതിയായി മുന്‍ കേന്ദ്ര ധനകാര്യ മന്ത്രി പി.ചിദംബരം. എന്‍ഫോഴ്‌സ്‌മെന്റ് വകുപ്പ് അനുബന്ധ കുറ്റപത്രം സമര്‍പ്പിച്ചു. ചിദംബരം ഉള്‍പ്പെടെ ഒന്‍പത് പേരാണ് പ്രതിപ്പട്ടികയിലുള്ളത്. കേസ് നവംബര്‍ 26ന് പരിഗണിക്കുമെന്ന് സി.ബി.ഐ പ്രത്യേക ജഡ്ജി ഓ.പി.സൈനി വ്യക്തമാക്കി.
നാല് മാക്‌സിസ് കമ്പനികള്‍ കേസില്‍ പ്രതികളാണ്. എന്‍ഫോഴ്‌സ്‌മെന്റ് വകുപ്പ് സമര്‍പ്പിക്കുന്ന രണ്ടാമത്തെ കുറ്റപത്രമാണിത്. മുന്‍ ടെലികോം മന്ത്രി ദയാനിധി മാരനും സഹോദരനായ കലാനിധി മാരനുമെതിരെയായിരുന്നു മുമ്പ് എന്‍ഫോഴ്‌സ്‌മെന്റ് വകുപ്പ് കുറ്റപത്രം ചുമത്തിയത്. ഈ കുറ്റപത്രത്തില്‍ 2006ല്‍ ചിദംബരം മൗറീഷ്യസിലെ ഒരു മാക്‌സിസ് കമ്പനിക്ക് എഫ്.ഐ.പി.ബി അനുമതി നല്‍കിയെന്ന് ചൂണ്ടിക്കാണിക്കുന്നുണ്ട്.
അതേസമയം ഡല്‍ഹി ഹൈക്കോടതി ചിദംബരത്തിന്റെ ഇടക്കാല ജാമ്യം നവംബര്‍ 29 വരെ നീട്ടിയതിനാല്‍ ചിദംബരത്തെ അറസ്റ്റ് ചെയ്യാന്‍ സാധിക്കുന്നതല്ല.
Discussion about this post