രജനീകാന്തിന്റെ ബ്രഹ്മാണ്ഡ ചിത്രമായ ‘2.0’ വ്യാഴാഴ്ച ഇറങ്ങി മണിക്കൂറുകള്‍ക്കകം ചിത്രത്തിന്റെ വ്യാജ പതിപ്പ് തമിഴ് റോക്കേഴ്‌സ് എന്ന ഓണ്‍ലൈന്‍ സൈറ്റ് ഓണ്‍ലൈനില്‍ അപ്‌ലോഡ് ചെയ്തു. സംഭവത്തില്‍ രജനീകാന്ത് ഫാന്‍സ് നിരാശ പ്രകടിപ്പിക്കുകയുണ്ടായി. ഇതിനെതിരെ നിയമ നടപടിയെടുക്കണമെന്നാണ് ഫാന്‍സുകാര്‍ പറയുന്നത്.
ഇതിന് മുന്‍പ് നടന്‍ വിശാലിന്റെ നേതൃത്വത്തിലുള്ള പൈറസി വിരുദ്ധ സംഘം ഓണ്‍ലൈനില്‍ ചിത്രങ്ങളുടെ കോപ്പി റിലീസ് ചെയ്യുന്ന വെബ്‌സൈറ്റുകള്‍ക്കെതിരെ നടപടിയെടുക്കണമെന്ന ആവശ്യവുമായി തമിഴ് നാട് സര്‍ക്കാരിനെ സമീപിച്ചിരുന്നു. ഇതേത്തുടര്‍ന്ന് ഇതുപോലുള്ള വെബ്‌സൈറ്റുകള്‍ സര്‍ക്കാര്‍ നിരോധിച്ചിരുന്നു.
500 കോടി രൂപയുടെ മുതല്‍മുടക്കില്‍ നിര്‍മ്മിച്ച ചിത്രത്തിന് വലിയ വരവേല്‍പ്പാണ് രാജ്യത്ത് ലഭിച്ചിട്ടുള്ളത്. കേരളത്തില്‍ നാനൂറിലധികം തീയ്യേറ്ററുകളിലാണ് ചിത്രം പ്രദര്‍ശനത്തിനെത്തിയിട്ടുള്ളത്.
ചിത്രത്തില്‍ വില്ലന്‍ കഥാപാത്രമായെത്തിയത് ബോളിവുഡ് നടന്‍ അക്ഷയ് കുമാറാണ്. നായികയുടെ വേഷം കൈകാര്യം ചെയ്തിരിക്കുന്ന അമി ജാക്‌സണാണ്.
Discussion about this post