ശബരിമലയിലെ ആചാരങ്ങള് ലംഘിച്ചുകൊണ്ട് ദര്ശനം നടത്താനെത്തിയ ‘മനിതി’ എന്ന തമിഴ്നാട് സംഘടനയിലെ യുവതികളുടെ ശ്രമം വിഫലമായി. നിലവില് ഇവരെ പോലീസ് നിലയ്ക്കലിലേക്ക് മാറ്റുകയാണ്.
പമ്പയില് യുവതികളെ തടഞ്ഞുകൊണ്ട് നാമജപ പ്രതിഷേധം നടത്തിയ ഭക്തരെ അറസ്റ്റ് ചെയ്ത് നീക്കിയതിന് ശേഷം പോലീസ് യുവതികളെ സന്നിധാനത്തേക്ക് കൊണ്ടുപോകാന് ശ്രമിച്ചു. എന്നാല് വലിയ സംഖ്യയില് ഭക്തജനങ്ങള് യുവതികളെ തടയുകയായിരുന്നു. ഇതേത്തുടര്ന്ന് യുവതികളെ തിരിച്ച് നിലയ്ക്കലിലേക്ക് പോലീസ് കൊണ്ടുപോകാന് തീരുമാനിച്ചു. ഇവരെ കേരളത്തിന്റെ അതിര്ത്തി വരെ സുരക്ഷിതമായി കൊണ്ടുപോകാനാണ് തീരുമാനം.
ഇന്ന് പുലര്ച്ചയോടെ ‘മനിതി’യുടെ കീഴിലുള്ള പതിനൊന്ന് യുവതികളായിരുന്നു ദര്ശനത്തിനായ പമ്പയിലെത്തിയത്. ഇവര് പോലീസിന്റെ അകമ്പടിയോട് കൂടിയായിരുന്നു എത്തിയത്. തുടര്ന്ന് ഇവരെ ഭക്തര് തടയുകയായിരുന്നു. ഏകദേശം ആറ് മണിക്കൂറിലേറെ നേരം ഇവര് പമ്പയിലായിരുന്നു.
Discussion about this post