ആലപ്പുഴ: ശബരിമല വിഷയമാണ് വനിതാ മതിലിന് നിമിത്തമായതെന്ന് എസ്.എന്.ഡി.പി ജനറല് സെക്രട്ടറി വെള്ളാപ്പള്ളി നടേശന് പറഞ്ഞു. യുവതി പ്രവേശനം നടത്താനാണ് സര്ക്കാര് വനിതാ മതില് നടത്തുന്നതെന്ന ആരോപണം വിവരക്കേടാണ്. ശബരിമല വിഷയത്തില് സര്ക്കാര് നിസഹായരാണ്. ;മതിലില് പങ്കെടുക്കാതെ മാറി നില്ക്കുന്നവരെ ജനം കാര്ക്കിച്ച് തുപ്പും. ആചാര സംരക്ഷണമല്ല ക്ഷേത്രങ്ങളിലെ അധികാര സംരക്ഷണമാണ് ചിലര് നടത്തുന്നതെന്നും വെള്ളാപ്പള്ളി മാതൃഭൂമി ന്യൂസിന് നല്കിയ അഭിമുഖത്തില് പറഞ്ഞു.
എന്എസ്എസിനെതിരെ രൂക്ഷ വിമര്ശനമാണ് വെള്ളാപ്പള്ളി നടത്തിയത്. കേരളത്തിലെ പോപ്പാണ് താന് എന്നാണ് ചിലരുടെ ധാരണ. കാലം മാറിയത് എന്.എസ്.എസ് തിരിച്ചറിയുന്നില്ല. എന്.എസ്.എസിന്റെ പല നിലപാടുകളും വിവരക്കേടാണ്. അഹങ്കാരത്തിന് കയ്യും കാലും വെച്ച് നടക്കുകയാണ് എന്എസ്എസ് എന്നും വെള്ളാപ്പള്ളി പറഞ്ഞു.
ഇന്നും പിന്നാക്കക്കാരന് അമ്പലത്തില് കയറാന് കഴിയുന്നില്ല. ശബരിമലയിലെ പല അവകാശങ്ങളും പിന്നാക്കാരന് നഷ്ടമായി. അമ്പലങ്ങളെ ചിലര് സ്വകാര്യ സ്വത്താക്കുകയാണെന്നും അദ്ദേഹം പറഞ്ഞു.
Discussion about this post