ശ്രീനഗർ: ജമ്മു കശ്മീരിലെ പൂഞ്ചിലുണ്ടായ ഭീകരാക്രമണവുമായിു ബന്ധപ്പെട്ട് ഭീകരർക്കായുള്ള തിരച്ചിൽ തുടർന്ന് സൈന്യം. ഭീകരാക്രമണവുമായി ബന്ധപ്പെട്ട് പ്രദേശവാസികളായ 6 പേരെ സൈന്യം കസ്റ്റഡിയിൽ എടുത്തെന്നാണ് റിപ്പോർട്ടുകൾ. ഇവർ ഭീകരരെ സഹായിച്ചോ ആക്രമണത്തിന് ഒത്താശ ചെയ്തോ എന്നീ വിവരങ്ങൾ അറിയാൻ വിശദമായി ചോദ്യം ചെയ്യും.
ഇന്നലെ വ്യോമസേന അംഗങ്ങളെയും വഹിച്ച് വന്ന രണ്ട് വാഹനങ്ങൾക്ക് നേരെയാണ് ഇന്നലെ ഭീകരർ വെടിയുതിർത്തത്. ആക്രമണത്തിൽ ഒരു വ്യോമസേന അംഗം വീരമൃത്യു വരിക്കുകയും 4 പേർക്ക് പരിക്കേൽക്കുകയും ചെയ്തു. ഇതിൽ ഒരു വ്യോമസേന അംഗത്തിന്റെ നില ഗുരുതരമായി തുടരുകയാണ്. സുരാന്കോട്ടെ മേഖലയിലെ സനായി ഗ്രാമത്തില്വെച്ചായിരുന്നു വ്യോമസേനയുടെ വാഹനവ്യൂഹത്തിലെ രണ്ട് വാഹനങ്ങള്ക്കു നേര്ക്ക് ഭീകരര് വെടിയുതിര്ത്തത്. വൈകിട്ട് 6.15ഓടെയായിരുന്നു ആക്രമണം.
സംഭവത്തിന് പിന്നാലെ രാഷ്ട്രീയ റൈഫിള്സ് സൈനികര് സ്ഥലത്തെത്തുകയും തിരച്ചില് ആരംഭിക്കുകയും ചെയ്തിരുന്നു. ഈ വർഷം ഇതാദ്യമായാണ് മേഖലയില് സുരക്ഷാസേനയ്ക്കു നേര്ക്ക് ഭീകരാക്രമണം ഉണ്ടാകുന്നത്.
Discussion about this post