ലോകസഭ തെരഞ്ഞെടുപ്പില്‍ കേരളത്തില്‍ താമര വിരിയുമെന്ന് തെരഞ്ഞെടുപ്പ് സര്‍വ്വേ.ഇന്ത്യാ ടിവി-സിഎന്‍ എക്‌സ് പുറത്ത് വിട്ട ഏറ്റവും പുതിയ സര്‍വ്വേയിലാണ് ബിജെപി കേരളത്തില്‍ ഒരു സീറ്റ് നേടുമെന്ന് പ്രവചിക്കുന്നത്. അതേസമയം ഇടത് മുന്നണി അഞ്ച് സീറ്റിലൊതുങ്ങുമെന്നും സര്‍വ്വേ പ്രവചിക്കുന്നു.
ഇന്ത്യ ടുഡേ സര്‍വ്വ പ്രകാരം കേരളത്തില്‍ കോണ്‍ഗ്രസ് എട്ട് സീറ്റുകളില്‍ വിജയം നേടും. രണ്ട് സീറ്റുകളില്‍ മുസ്ലിം ലീഗും, ഒരു സീറ്റില്‍ മാണിയുട കേരള കോണ്‍ഗ്രസും ഒരു സീറ്റില്‍ ആര്‍എസ്പിയും ജയിക്കു. രണ്ട് സീറ്റുകളില്‍ സ്വതന്ത്രര്‍ ജയിക്കുമെന്നും സര്‍വ്വേ കണ്ടെത്തുന്നു.
പശ്ചിമ ബംഗാളില്‍ പത്ത് സീറ്റുകളോടെ ബിജെപി വന്‍ മുന്നേറ്റം നടത്തും. 26 സീറ്റുകള്‍ തൃണമൂലിന് ലഭിക്കും. ഇടത് മുന്നണി നാല് സീറ്റുകളില്‍ ജയിക്കുമെന്നും സര്‍വ്വേ പറയുന്നു. ത്രിപുരയില്‍ ഒരു സീറ്റില്‍ ബിജെപിയും ഒന്നില്‍ സിപിഎമ്മും ജയിക്കും.
കര്‍ണാടകയില്‍ ആകെയുള്ള 28 സീറ്റുകളില്‍ 15 ഉം ബിജെപി കരസ്ഥമാക്കും.യുപിയില്‍ ബിജെപി 40 സീറ്റുകള്‍ നേടും. മധ്യപ്രദേശിലും രാജസ്ഥാനിലും, മഹാരാഷ്ട്രയിലും ബീഹാറിലും, ഡല്‍ഹിയിലും, ഹരിയാനയിലും ജാര്‍ഖണ്ഡിലും ബിജെപി കൂടുതല്‍ സീറ്റുകള്‍ നേടും.
എന്‍ഡിഎ 37.15 ശതമാനം നേടും. 223 സീറ്റുകളോടെ ബിജെപി ഏറ്റവും വലിയ ഒറ്റകക്ഷിയാവും. നിലവിലേതിനേക്കാള്‍ 15 സീറ്റുകള്‍ എന്‍ഡിഎയ്ക്ക് കുറയും. യുപിഎ 146 സീറ്റുകള്‍ നേടും. ഭരിക്കുന്നത് ആരെന്ന് തീരുമാനിക്കുക ടിആര്‍എസ്, എഐഎഡിഎംകെ, വൈഎസ്ആര് കോണ്‍ഗ്രസ്, എസ്പി, ടിഎംസി, ബിഎസ്പി, ഇടത് പാര്‍ട്ടികള്‍ എന്നി കക്ഷികളായിരിക്കുമെന്നും സര്‍വ്വേ പറയുന്നു.
അഞ്ച് സംസ്ഥാനങ്ങളിലെ തെരഞ്ഞെടുപ്പ് നടന്നതിന് പിറകെയാണ് ഇന്ത്യാ ടിവി-സിഎന്‍ എക്‌സ് സര്‍വ്വേ പുറത്തു വന്നത്. വിശാല പ്രതിപക്ഷ ഐക്യം വന്നാലത് എന്‍ഡിഎയ്ക്ക് തിരിച്ചടിയാകുമെന്ന് സര്‍വ്വേ വ്യക്തമാക്കുന്നു.
Discussion about this post